21
Wɔn kpɑɑru kɑ tem kpɑm
1 Yen biruwɑ nɑ wɔn kpɑɑru kɑ tem kpɑm wɑ. Wɔn gururu kɑ tem gurum bɑɑ doonɑ, nim wɔ̃ku gɑ ǹ mɑɑ wɑ̃ɑ. 2 Mɑ nɑ wuu dɛɛrɔ wɑ, ge gɑ sɑ̃ɑ Yerusɑlɛmu kpɑɑ, gɑ sɑrɑm wee Gusunɔ wɔllun di, gɑ sɔɔru sɑ̃ɑ nge kurɔ kpɑo wi u burɑru sɑ̃ɑ u win durɔ mɑrɑ. 3 Nɑ mɑɑ nɔɔgiru nuɑ sinɑ kitɑrun di tɑ nɛɛ, wee tɛ̃, Gusunɔn wɑ̃ɑ yerɑ wɑ̃ɑ tɔmbun suunu sɔɔ, u ko n wɑ̃ɑ kɑ be, bɑ koo mɑɑ ko wigibu. Gusunɔn tii u ko n wɑ̃ɑ ben suunu sɔɔ. 4 U koo bu ben nɔni yĩresu kpuro wokɑ. Gɔɔ kun ko n mɑɑ wɑ̃ɑ kɑ win nuku sɑnkirɑnu kɑ swĩi kɑ wuriribu domi gɑsɔn gɑ̃ɑnu nu doonɑ kpuro.
5 Sɑnɑm mɛyɑ wi u sɔ̃ sinɑ kitɑrɔ u nɛɛ, wee nɑ gɑ̃ɑnu kpuro kuɑ kpɑɑnu.
U mɑɑ mɑn sɔ̃ɔwɑ u nɛɛ, n yeni yoruo domi win gɑri, gɑri geeyɑ, yi mɑɑ sɑ̃ɑ nɑɑnɛgii.
6 Mɑ u mɑn sɔ̃ɔwɑ u nɛɛ, ye kpuro yɑ kpɑ, wiyɑ gɑ̃ɑnu kpuron tore kɑ nin wii gowo wiyɑ mɑɑ gbiikoo kɑ dɑ̃ɑko. Bɑɑwure wi nim nɔru gɑ mɔ̀ u koo nùn nim kɛ̃ nim wɑ̃ɑrugim bwiɑn di n kun kɑ kɔsiɑru. 7 Bɑɑwure wi u tɑbu di, win tubi wee, u ko n sɑ̃ɑ win Yinni kpɑ wi, u mɑɑ ko win bii. 8 Adɑmɑ bɛrurobu kɑ nɑɑnɛ doke sɑrirugibu kɑ kom kɔ̃sumgibu kɑ tɔn gowobu kɑ sɑkɑrɑ kowobu kɑ dobo dobogibu kɑ bũu sɑ̃ɔbu kɑ wee kowobu kpuro, bɑ koo ben bɔnu wɑ dɔ̃ɔ bwerɔ wi u mwɑɑmɔ kɑ sɔ̃ɔ bisu. Yerɑ yɑ sɑ̃ɑ gɔɔ yiruse.
Yerusɑlɛmu kpɑɑ
9 Yerɑ gɔrɑdobɑ nɔɔbɑ yiru be bɑ rɑɑ yorukunu nɔɔbɑ yiru nɛni nì sɔɔ gbee swɑ̃ɑnu nɔɔbɑ yiru wɑ̃ɑ, ben turo u nɑ u mɑn sɔ̃ɔwɑ u nɛɛ, n nɑ, u koo mɑn kurɔ kpɑo sɔ̃ɔsi wi u sɑ̃ɑ Yɑ̃ɑ kinɛ kpɛm ten kurɔ.
10 Sɑnɑm mɛyɑ gɔrɑdo wi, u nɛn bwɛ̃rɑ suɑ kɑ̃si kɑ̃sikum u kɑ dɑ guu bɑkɑru gɑrun wɔllɔ. U mɑn Yerusɑlɛmu wuu dɛɛrɔ ge sɔ̃ɔsi gɑ sɑrɑm wee Gusunɔ wɔllun di, 11 gɑ bɑllimɔ Gusunɔn yiikon girimɑn sɔ̃ nge kpee sɔ̃ɔ tiro gobi bɛkɛguu ge bɑ mɔ̀ yɑsipu, ge gɑ dɛɛre nge diki kpikɑ. 12 Mɑ gbɑ̃rɑ bɑkɑrɑ gu sikerenɛ te tɑ kɔnnɔsu wɔkurɑ yiru mɔ, mɑ wɔllun gɔrɑdobɑ wɔkurɑ yiru bɑ kɔnnɔ si kɔ̃su. Kɔnnɔ si sɔɔrɑ Isirelin bibun bwesenu wɔkurɑ yirun yĩsɑ yoruɑ. 13 Gbɑ̃rɑ ten goonu nnɛ nnɛ ye, kɔnnɔsu itɑ itɑwɑ nu mɔ. Kɔnnɔsu itɑ wɑ̃ɑ sɔ̃ɔ duu yeru giɑ, itɑ mɑɑ wɑ̃ɑ sɔ̃ɔ yɑri yeru giɑ, mɑ itɑ itɑ wɑ̃ɑ yɛ̃sɑ kɑ yɛ̃sɑ. 14 Bɑ wuu gen gbɑ̃rɑru swĩiwɑ kpenu wɔkurɑ yirun wɔllɔ, nìn wɔllɔ bɑ Yɑ̃ɑ kinɛ kpɛndun gɔrobu wɔkurɑ yirun yĩsɑ yoruɑ.
15 Wɔllun gɔrɑdo wi u kɑ mɑn gɑri kuɑ u yĩirutiɑ wurɑgiɑ nɛni u kɑ wuu ge yĩire kɑ gen kɔnnɔsu kɑ gen gbɑ̃rɑru. 16 Wuu gen goonu kpuro nu nɛwɑ, gen yɑsum kɑ gen dɛ̃ɛbu tiɑ. Gɔrɑdo wi, u gu yĩirɑ kɑ win yĩirutiɑ. Wee, gen dɛ̃ɛbu kuɑ kilo nɔrɔbun subɑ yiru kɑ goobu (2.200). Mɛyɑ mɑɑ gen yɑsum kɑ gen gurum. 17 Gɔrɑdo wi, u mɑɑ gbɑ̃rɑ te yĩirɑ mɑ tɑ kuɑ gɔm soonu wunɑɑ weeru kɑ nnɛ. U yĩirumɔ kɑ win yĩirutiɑ yèn bweseru tɔmbɑ mɑɑ mɔ. 18 Bɑ wuu gen gbɑ̃rÊ