64
1 Kɑɑ n sɑ̃ɑ nge dɔ̃ɔ wi u dɑ̃ɑ gbebɑ mwɑɑmɔ,
ǹ kun mɛ wi u nim gbisisiɑmɔ,
kpɑ wunɛn yibɛrɛbɑ bu giɑ nge mɛ ɑ sɑ̃ɑ,
kpɑ bu diiri wunɛn wuswɑɑɔ.
2 Yinni Gusunɔ,
sɑnɑm mɛ ɑ sɑrɑmɑ ɑ mɑɑmɑɑki kuɑ
ye sɑ ǹ kɑ yĩiyɔ,
guunu diirɑ bɛrum sɔ̃.
3 Sɑ ǹ gɑsɔ goon gɑri nɔɔre.
Wunɛ bɑɑsi, sɑ ǹ mɑɑ goo wɑɑre
wi u yen bweseru kuɑ
win tɔn be bɑ nùn nɑɑnɛ sɑ̃ɑn sɔ̃.
4 Wi u gem swĩi kɑ nuku dobu,
kɑ sere be bɑ wunɛn woodɑ yɑɑye,
bɑ sĩimɔ ye sɔɔ,
berɑ ɑ rɑ swɑɑ gbiiye.
Adɑmɑ ɑ kɑ sun mɔru kuɑ
yèn sɔ̃ sɑ durum kuɑ.
Kɑ mɛ, sɑ rɑ n durum ye mɔ̀wɑ sɑ n dɔɔ
sɑɑ yellun di.
5 Sɑ kuɑ nge disigibu,
mɑ bɛsɛn dɑɑ geɑ yɑ sɑ̃ɑ nge yɑ̃ɑ disinuginu.
Sɑ gbere nge wurusu,
mɑ bɛsɛn durum kɑ sun doonɔ nge woo.
6 Goo sɑri wi u wunɛn somiru kɑsu.
Goo mɑɑ sɑri wi u rɑ nun kɑnɛ bururu,
domi ɑ sun wunɛn wuswɑɑ beruɑ,
mɑ ɑ sun deri sɑ gɔɔ dɔɔ bɛsɛn durum sɔ̃.
7 Kɑ yen de, Yinni,
wunɑ ɑ sɑ̃ɑ bɛsɛn bɑɑbɑ.
Sɑ sɑ̃ɑwɑ nge sɔndu,
wunɑ ɑ sun mɔmɑ kɑ wunɛn nɔmɑ.
8 Yinni Gusunɔ, ɑ ku mɔru ko too,
ɑ kun mɑɑ bɛsɛn durum ye yɑɑye sere kɑ bɑɑdommɑɔ.
Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.
9 Wee wunɛn wuu si ɑ gɔsɑ su kuɑ bɑnsu.
Yerusɑlɛmu yɑ wɔrukɑ.
10 Bɛsɛn sɑ̃ɑ yee burɑ dɛɛrɑ te,
mi bɛsɛn sikɑdobɑ bɑ rɑ rɑɑ nun sɑ̃,
tɑ dɔ̃ɔ mwɑɑrɑ.
Gɑ̃ɑ gee ni sɑ mɑɑ mɔ kpuro, nu kɑm kuɑ.
11 Kɑɑ n yenibɑ kpuro mɛɛrɑwɑ ɑ n nɔɔ mɑɑri,
kpɑ bɛsɛn nuki yi sɑnkirɑ n bɑndɑ?