38
1 Yinni Gusunɔ u Yoobu wisɑ guru woo bɔkɔ gɑgun di u nɛɛ,
2 mbɑn sɔ̃nɑ ɑ derɑ tɔmbu bɑ ǹ nɛn himbɑ tubumɔ kɑ wunɛn wiirɑ gɑri.
3 Tɛ̃, ɑ sɔɔru koowo,
kpɑ ɑ yɔ̃rɑ nge tɔn durɔ wɔrugɔ.
Kon nun gɑri bikiɑ, kpɑ ɑ mɑn yi tubusiɑ.
Yinni Gusunɔ u mɑɑ sɑ̃ɑ ye yɑ kun wɛ̃siɑmɔn Yinni
4 Mɑnɑ ɑ wɑ̃ɑ sɑnɑm mɛ nɑ tem kuɑ.
A ye geruo, ɑ̀ n bwisi mɔn nɑ.
5 A yɛ̃ wi u mɛn goonu yi yi?
Wɑrɑ u nu yĩirɑ kɑ wɛ̃ɛ.
6 Mɑ sɔɔrɑ bɑ mɛn kpɛɛkpɛɛku swĩi.
Wɑrɑ u mɛn gɔmburun kperu swĩi.
7 Sɑɑ ye wɔllun gɔrɑdobɑ bɑ dɛsiru kɑrɑmɔ,
mɑ n sɑ̃ɑre kperin tii yi nuku dobun womu mɔ̀ yɑm sɑ̃re bururu,
8 wɑrɑ u nim wɔ̃ku kɛnuɑ kɑ gɑmbobɑ
sɑnɑm mɛ gɑ yɑrimɑ tem nukurun di.
N ǹ nɛ?
9 Nɑ guru wiru kuɑ gen bekuru,
mɑ nɑ gu yɑm wɔ̃kuru wukiri.
10 Nɑ gu woodɑ wɛ̃ nɑ nɛɛ, gu yɔ̃ro mini.
Mɑ nɑ gu gɑmbobɑ kɑ kɔkɔrɔbɑ dokeɑ.
11 Nɑ gu sɔ̃ɔwɑ nɑ nɛɛ,
gu nɑ sere mini, kpɑ gu yɔ̃rɑ gu ku sɑrɑ.
Miniwɑ gen nim kurenun dɑm mu koo yɔ̃rɑ.
12 Sɑɑ mìn di ɑ wɑ̃ɑ,
ɑ sɔ̃ɔ sɔ̃ɔre u yɑrio bururu,
13 kpɑ u yɑrimɑ u dɑ hɑnduniɑn goonu nnɛ sɔɔ,
u nuku kɔ̃surugibu terɑsiɑ ben kuku yenun di,
14 kpɑ tem kpuro mu kɔsi nge sɔndu te bɑ yĩreru doke,
kpɑ tɑ n sɑ̃ɑ nge wi u yɑbe burɑru sebuɑ?
15 Adɑmɑ nuku kɔ̃surugibu bɑ ǹ yɑm bururɑm kĩ,
domi mu yinɑmɔ bu ben kom kɔ̃sum ko.
16 Yoobu, ɑ bɔsum dɑɑre sere mi nim wɔ̃kun nɔnu gɑ wɑ̃ɑ?
A dɑɑre sere gen temɔ?
17 Bɑ nun gɔribun wɑ̃ɑ yeru sɔ̃ɔsire?
A ten kɔnnɔ wɑɑre?
18 A hɑnduniɑn kpɑ̃ɑru lɑɑkɑri koore?
A mɑn sɔ̃ɔwɔ ɑ̀ n ye kpuro yɛ̃.
19 Mɑnɑ swɑɑ wɑ̃ɑ ye yɑ dɔɔ yɑm bururɑm giɑ.
Mɑnɑ yɑm wɔ̃kuru tɑ ten wɑ̃ɑ yeru mɔ.
20 À n yen swɛɛ yɛ̃n nɑ, ɑ ǹ kɑɑ dɑ mi?
21 Kɑɑ n ye kpuro yɛ̃, domi bɑ nun mɑrɑ n tɛ.
22 A dɑɑre sere mi nim mu rɑ gɔsie nge kperu?
A wɑ mi guru kpenu nu rɑ n wɑ̃ɑ?
23 Nɑ nu yiiwɑ sɑɑ gɑɑn sɔ̃,
yè sɔɔ tɔmbu bɑ koo nuki sɑnkirɑ tɑbun sɔ̃.
24 A yɛ̃ mìn di yɑm bururɑm mu rɑ nɛ?
A mɑɑ yɛ̃ mìn di sɔ̃ɔ yɑri yerun woo gɑ rɑ nɛ?
25 Wɑrɑ u gurɑ swɑɑ yɑbɑ.
Wɑrɑ u guru mɑɑkinu kɑ guru kukiribun swɑɑ yi yi.
26 Wɑrɑ u rɑ de gurɑ yu nɛ gbɑburɔ, tem mi goo sɑri,
27 kpɑ yu tem mi n dɑɑ gbere yɛmiɑsiɑ,
kpɑ yɑkɑsu su kpi.
28 Gurɑ yɑ tundo mɔ ro?
Wɑrɑ u kɑkoru mɑrɑ.
29 Mɑn diyɑ guru kpenu nu rɑ yɑri.
30 Wɑrɑ u rɑ nim bɔbiɑsie wɔllɔ nge kperu,
kpɑ u nim wɔ̃kun wɔllɔ ko nge kpee bɑkɑru.
31 Kɑɑ kpĩ ɑ wɔllun kperi swɑɑru bwese bwesekɑ bɔke,
kpɑ ɑ mɑɑ yi kusiɑ?
32 Wunɑ ɑ rɑ de wɔllun kperi bwese bwesekɑ yi yɑri yin sɑɑ sɔɔ,
kpɑ ɑ yin wuunu kpɑrɑ?
33 A yɛ̃ nge mɛ wɔllɑ kɑ sĩisinɑmɔ?
Kɑɑ kpĩ ɑ kɑ ten woodɑbɑ sɔmburu ko tem sɔɔ?
34 Wunɑ ɑ rɑ nɔɔgiru sue ɑ guru wiru soku,
kpɑ gurɑ yu kɑ nɛ yu nun so?
35 Wunɑ ɑ rɑ guru mɑɑkinu koosie?
À n nu koosiɑ, nu rɑ nɛ wunɛn mi nu nɛɛ, nu sɔɔru kpɑ,
kpɑ nu mɑɑkinu ko?
36 Wɑrɑ u tɔnun gɔ̃ruɔ lɑɑkɑri doke.
Wɑrɑ u tɔnu bwisi wɛ̃.
37 Wɑrɑ kɑ win bwisi kpuro,
u koo kpĩ u guru winu gɑri,
kpɑ u nu sikɑsiɑ gurɑ yu nɛ,
38 kpɑ gurɑ ye, yu yɑnim gurɑ yu subu,
kpɑ yu tem kusɑnu mɔnsinɑ.
Gusunɔ u sɑ̃ɑwɑ yɛɛ kpuron Yinni
39 Yinni Gusunɔ u mɑɑ nɛɛ,
Yoobu, wunɑ ɑ rɑ gbee sunɔ gen dĩɑnu kɑsue,
kpɑ ɑ gen binun gɔ̃ɔru kpeesiɑ
40 sɑnɑm mɛ nu kpĩ nin wɑ̃ɑ yerɔ nu yɑɑ mɑrɑ?
41 Wɑrɑ u rɑ gunɔ bɑkeru ten dĩɑnu wɛ̃
sɑnɑm mɛ ten binu nu nɔɔ sue nɛn mi giɑ,
ǹ kun mɛ, nù n bɔsu nu dĩɑnu kɑsu.