SINAMBUN TIRERU YIRUSE
Sinɑmbun Tireru Yiruse te, Isirelibɑn bɑn te tɑ bɔnu kuɑ yirun gɑriyɑ tɑ mɔ̀. Wɑɑti ye sɔɔ, Gusunɔn sɔmɔ Eliseewɑ u Isirelibɑn sinɑmbu kirɔ kuɑ ben mɛm nɔɔ sɑrirun sɔ̃.
Tɑ sun sɔ̃ɔmɔ nge mɛ yibɛrɛbɑ bɑ nɑ Asirin di bɑ Isirelibɑ gurɑ bɑ kɑ dɑ ben temɔ. Mɑ ben bɑndɑ nɔru kuɑ, mɑ n tie Yudɑbɑgiru. Adɑmɑ wɔ̃ɔ wunɑɑ teeru kɑ wɔkurɑ nɔɔbun biru, Bɑbilonin sinɑ boko u nɑ u Yudɑbɑ wɔri. Mɑ u Gusunɔn sɑ̃ɑ yerun yɑ̃nu gurɑ kpuro mɑ u Yudɑbɑn sinɑmbu gɑbu kɑ mɑɑ Yudɑbɑ gɑbu mwɛɛrɑ u kɑ dɑ win temɔ Bɑbiloniɔ. Sɑɑ yerɑ Yudɑbɑn tiin bɑndɑ nɔru kuɑ.
Tire ten kpunɑɑ
1. Isirelibɑn bɑndu kɑ Yudɑbɑgirun gɑri, wiru 1n di sere wiru 17.
2. Yudɑbɑn bɑn dɑ̃ɑkiru, wiru 18n di sere wiru 24.
3. Yerusɑlɛmun kpeeru, wiru 25.