13
1 Yerɑ Yinni Gusunɔ u derɑ win sɔmɔ goo u seemɑ sɑɑ Yudɑn di u nɑ Betɛliɔ sɑnɑm mɛ Yeroboɑmu u turɑre dɔ̃ɔ dokemɔ ben yɑ̃ku yerɔ. 2 Mɑ u yɑ̃ku yee te nɔɔgiru sue u nɛɛ, yɑ̃ku yeru wunɛ! Yɑ̃ku yeru wunɛ! A nɔɔwɔ ye Yinni Gusunɔ u geruɑ. U nɛɛ, wee bɑ koo bii tɔn durɔ goo mɑ Dɑfidin bweseru sɔɔ, kpɑ bu nùn yĩsiru kɛ̃ Yosiɑsi. Wiyɑ u koo se u kɑ bũu yɑ̃ku kowo be yɑ̃kuru ko mi bɑ rɑ rɑɑ yɑ̃kuru ko. Kpɑ bu tɔmbun kukunu dɔ̃ɔ mɛni wunɛn wɔllɔ.
3 Gusunɔn sɔmɔ wi, u mɑɑ nɛɛ, yɑ̃ku yee teni, tɑ koo bɛsikirɑwɑ. Kpɑ ten yɑ̃ku torom mu yɑri bɑɑmɑ. Sɑɑ ye sɔɔ, bɑ koo giɑ mɑ Yinni Gusunɔwɑ u gɑri yi geruɑ.
4 Sɑnɑm mɛ Yeroboɑmu u nuɑ ye sɔmɔ wi, u yɑ̃ku yee te gerusi, yerɑ u nɔmu dɛmiɑ u nɛɛ, i nùn mɔɔ.
Adɑmɑ Yeroboɑmun nɔmu ge u Gusunɔn sɔmɔ wi tĩi mi, gɑ gu, mɑ u kpɑnɑ u gu kure. 5 Yerɑ yɑ̃ku yee te, tɑ bɛsirɑ, mɑ ten yɑ̃ku torom mɛ mu wɑ̃ɑ wɔllɔ mu pusi yɑm kpuro nge mɛ Yinni Gusunɔ u rɑɑ geruɑ sɑɑ sɔmɔ win nɔɔn di. 6 Yerɑ Yeroboɑmu u Gusunɔn sɔmɔ wi sɔ̃ɔwɑ u nɛɛ, ɑ Gusunɔ wunɛn Yinni kɑnɔ nɛn sɔ̃, kpɑ u de nɛn nɔmu ge, gu wurɑmɑ nge mɛ gɑ rɑɑ sɑ̃ɑ.
Mɑ sɔmɔ wi, u Yinni Gusunɔ kɑnɑ. Yerɑ Yinni Gusunɔ u derɑ nɔmu ge, gɑ wurɑmɑ nge mɛ gɑ rɑɑ sɑ̃ɑ. 7 Sɑɑ yerɑ sinɑ boko Yeroboɑmu u nɛɛ, ɑ duumɑ nɛn yɛnuɔ kpɑ ɑ di. Yen biru, kpɑ n nun kɛ̃nu wɛ̃.
8 Yerɑ Gusunɔn sɔmɔ wi, u sinɑ boko wisɑ u nɛɛ, bɑɑ ɑ̀ n nɛɛ, kɑɑ mɑn wunɛn dirun ɑrumɑnin bɔnu kɛ̃, nɑ ǹ duɔ wunɛn yɛnuɔ. Nɑ ǹ mɑɑ dĩɑnu gɑnu dimɔ. Mɛyɑ nɑ ǹ mɑɑ nim nɔrumɔ. 9 Domi Yinni Gusunɔwɑ u mɑn woodɑ yeni wɛ̃ u nɛɛ, n ku rɑ dĩɑnu gɑnu di, n ku rɑ nim nɔ, n ku rɑ mɑɑ gɔsirɑ kɑ swɑɑ ye nɑ kɑ nɑ.
10 Ye u yenibɑ geruɑ u kpɑ, yerɑ u swɑɑ gɑɑ mwɑ u kɑ sĩɑ.
Gusunɔn sɔmɔn
mɛm nɔɔ sɑriru
11 Sɑɑ ye sɔɔ, Gusunɔn sɔmɔ durɔ tɔkɔ goo u mɑɑ wɑ̃ɑ Betɛli mi. Yerɑ win bii tɔn durɔbu bɑ nɑ, bɑ nùn sɔ̃ɔwɑ kpuro ye Gusunɔn sɔmɔ wi, u kuɑ Betɛli mi dɔmɑ te, kɑ mɑɑ gɑri yi u sinɑ boko Yeroboɑmu sɔ̃ɔwɑ. 12 Ye durɔ tɔkɔ wi, u nuɑ mɛ, yerɑ u bu bikiɑ u nɛɛ, swɑɑ yerɑ̀ u mwɑ u kɑ sĩɑ.
Ye bɑ gu gɑɑri bɔkuɑ bɑ kpɑ, u gu sɔni. 14 Mɑ u Gusunɔn sɔmɔ wi nɑɑ swĩi. Yerɑ u nùn deemɑ u sɔ̃, dɑ̃ɑ bɑkɑru gɑrun nuurɔ u nùn bikiɑ u nɛɛ, wunɑ Gusunɔn sɔmɔ wi u nɑ sɑɑ Yudɑn tem di?
Mɑ u nùn wisɑ u nɛɛ, oo, nɛnɑ.
15 Mɑ durɔ tɔkɔ wi, u nɛɛ, su wurɑ su dɑ nɛn yɛnuɔ su di.
16 Adɑmɑ sɔmɔ wi, u nùn wisɑ u nɛɛ, n ǹ koorɔ n kɑ nun wurɑ n sere mɑm nɛɛ, kon di mi, kpɑ n nɔ. 17 Domi Yinni Gusunɔwɑ u mɑn woodɑ yeni wɛ̃, u nɛɛ, n ku rɑ di, n ku rɑ mɑɑ nim nɔ mi. Kpɑ n ku rɑ kɑ mɑɑ swɑɑ ye wɔmɑ ye nɑ kɑ dɑ.
18 Yerɑ durɔ tɔkɔ wi, u nùn sɔ̃ɔwɑ u nɛɛ, nɛn tii Gusunɔn sɔmɔwɑ nge wunɛ. Gusunɔwɑ u mɑn win gɔrɑdo gɔriɑmɑ, u mɑn sɔ̃ɔwɑ u nɛɛ, n kɑ nun gɔsiɑmɑ nɛn yɛnuɔ ɑ di mi, kpɑ ɑ nɔ.
N deemɑ weesɑ durɔ tɔkɔ te, tɑ mɔ̀. 19 Mɑ Gusunɔn sɔmɔ wi, u gɔsirɑmɑ u dɑ durɔ tɔkɔ win yɛnuɔ u di u nɔrɑ.
Gusunɔ u win sɔmɔ wi
tɑɑrɛ wɛ̃
20 Ye bɑ sɔ̃ bɑ dimɔ, yerɑ Yinni Gusunɔ u kɑ durɔ tɔkɔ te gɑri kuɑ. 21 Mɑ durɔ tɔkɔ te, tɑ Gusunɔn sɔmɔ wi sɔ̃ɔwɑ kɑ dɑm tɑ nɛɛ, ɑmɛniwɑ Yinni Gusunɔ u geruɑ. U nɛɛ, yèn sɔ̃ ɑ ǹ win gere mɛm nɔɔwɛ wi, wi u sɑ̃ɑ wunɛn Yinni, 22 mɑ ɑ gɔsirɑmɑ ɑ di ɑ nɔrɑ yɑm mini, mi u nɛɛ, ɑ ku di ɑ ku mɑɑ nɔ, yen sɔ̃nɑ tɛ̃ kɑɑ gbi. Adɑmɑ bɑ ǹ wunɛn goru sikumɔ wunɛn bɑɑbɑbɑn sikɑɔ.
23 Ye Gusunɔn sɔmɔ wi, u di u kpɑ u nɔrɑ, yerɑ durɔ tɔkɔ wi, u nùn kɛtɛku gɑɑri bɔkuɑ. 24 Ye u gu sɔni u wiɔ, yerɑ swɑɑ sɔɔ gbee sunɔ gɑ nùn sɛ̃re gɑ go. Mɑ win goru tɑ kpĩ swɑɑ sɔɔ. Mɑ win kɛtɛku ge, kɑ gbee sunɔ ge, nu yɔ̃ win bɔkuɔ. 25 Be bɑ sɑrɔ mi, bɑ goo te wɑ, kɑ gbee sunɔ ge, gɑ yɔ̃ goo ten bɔkuɔ. Ye bɑ turɑ wuu mi Gusunɔn sɔmɔ durɔ tɔkɔ te, tɑ wɑ̃ɑ, mɑ bɑ ye tɔmbu sɔ̃ɔwɑ. 26 Ye Gusunɔn sɔmɔ durɔ tɔkɔ te, tɑ nuɑ mɛ, yerɑ tɑ nɛɛ, Gusunɔn sɔmɔ wiyɑ. Domi u ǹ Gusunɔn woodɑ mɛm nɔɔwɛ. Yen sɔ̃nɑ u nùn gbee sunɔ kpɑre gɑ nùn sɛ̃re gɑ go nge mɛ u rɑɑ geruɑ.
27 Mɑ durɔ tɔkɔ te, tɑ ten bibu sɔ̃ɔwɑ tɑ nɛɛ, i mɑn nɛn kɛtɛku gɑɑri bɔkuo.
Mɑ bɑ gu gɑɑri bɔkuɑ. 28 Yerɑ u seewɑ u dɑ. Mɑ u deemɑ Gusunɔn sɔmɔn goo te wee tɑ kpĩ. Mɑ kɛtɛku ge, kɑ gbee sunɔ ge, nu yɔ̃ goo ten bɔkuɔ. Adɑmɑ gbee sunɔ ge, gɑ ǹ goo te temɛ, gɑ ǹ mɑɑ kɛtɛku ge go. 29 Mɑ durɔ wi, u goo te suɑ u sɔndi win kɛtɛku wɔllɔ u kɑ tu nɑ win wuuɔ, u sikɑ siki wɔru ge u rɑɑ gbɑ win tiin sɔ̃n mi, u ten gɔɔ swĩ. 30 Ye bɑ goo te sikuɑ bɑ kpɑ, mɑ bɑ gɔɔ wuri kuɑ bɑ nɛɛ, wɑnyo, wɑnyo, nɛn kĩnɑsi!
31 Ye bɑ yenibɑ kpuro kuɑ bɑ kpɑ, yerɑ Gusunɔn sɔmɔ durɔ tɔkɔ wi, u win bibu sɔ̃ɔwɑ u nɛɛ, nɑ̀ n gu, i mɑn sikuo mi bɑ Gusunɔn sɔmɔ wi sikuɑ, kpɑ nɛn kukunu nu n kpĩ wiginun bɔkuɔ. 32 Domi gɑri yi u geruɑ Betɛlin sɔ̃, kɑ mɑɑ bũu turɑ ni bɑ bɑnɑ Sɑmɑrin wuu mɑrosɔn sɔ̃, yi koo koorɑwɑ kɑm kɑm.