Mɔwisi u Isirelibɑ yɑɑyɑsiɑmɔ
ye Yinni Gusunɔ u kuɑ ben sɔ̃
11
1 I Gusunɔ bɛsɛn Yinni kĩɔ kpɑ i win yiirebu kɑ win sɔ̃ɔsinu kɑ win gere kɑ win woodɑbɑ mɛm nɔɔwɑ bɑɑdommɑ. 2 Tɛ̃, nɑ#ǹ kɑ bɛɛn bibu gɑri mɔ̀, be, be bɑ#ǹ wɑ, bɑ#ǹ mɑɑ yɛ̃ nge mɛ Gusunɔ bɛsɛn Yinni u win dɑm sɔ̃ɔsisinɑ. Adɑmɑ bɛɛn tiiwɑ nɑ kɑ gɑri mɔ̀, bɛɛ be i win kpɑ̃ɑru kɑ win dɑm bɑkɑm seedɑ kuɑ 3 kɑ sere mɑɑ mɑɑmɑɑki nɑnumgiɑ ye u kuɑ u kɑ Egibitin sunɔ kɑ win temgibu kpuro sɛɛyɑsiɑ. 4 I yɛ̃ ye u ben tɑbu kowobu kɑ ben dumi kɑ ben tɑbu kɛkɛbɑ kuɑ. U derɑ nim wɔ̃ku ge bɑ mɔ̀ Nɑɑ yɑri gɑ bu di sɑnɑm mɛ bɑ sun nɑɑ gire mɑ u bu kpeerɑsiɑ mɑm mɑm. 5 Mɑ u sun kɔ̃su gbɑburɔ sere sɑ kɑ tunumɑ mini. 6 U derɑ tem mu nɔɔ wukiɑ mu Dɑtɑni kɑ Abirɑmu, Eliɑbun bibu, Rubɛnin bweseru sɔɔ mwɛ kɑ ben yɛnugibu kɑ ben kuu bekuruginu kɑ be bɑ kɑ bu nɔɔ tiɑ kuɑ kpuro sɑnnu bɛsɛ Isirelibɑ kpuron wuswɑɑɔ. 7 Bɛsɛn nɔni yi gɑ̃ɑ bɑkɑ ni kpuro wɑ ni Yinni Gusunɔ u kuɑ. 8 Yen sɔ̃, i woodɑ be kpuro mɛm nɔɔwɔ be nɑ bɛɛ wɛ̃ɛmɔ gisɔ kpɑ i dɑm wɑ i kɑ tem mɛ mwɑ mɛ̀ sɔɔ i ko i du mi, 9 kpɑ bɛɛn wɑ̃ɑru tu dɑkɑɑ dɑ tem mɛ sɔɔ, mɛ̀n nɔɔ mwɛɛru Yinni Gusunɔ u kuɑ kɑ bɔ̃ri u nɛɛ, u koo bɛsɛn bɑɑbɑbɑ kɑ ben bibun bweseru wɛ̃, mɛ̀ sɔɔ tim kɑ bom mu yibɑ.
Tem mɛ Yinni Gusunɔ
u nɔɔrimɔ
10 Tem mɛ i ko i mwɑ mi, mu#ǹ sɑ̃ɑ nge Egibitin tem mìn di i yɑrimɑ, mi ì n dĩɑnu duurɑ i kpɑ, i rɑ nu nim yɛ̃ke nge kɑrɑ mi bɑ kpee duurɑ. 11 Tem mɛni, mu sɑ̃ɑwɑ tem guunugim kɑ wɔwigim mɛ̀ sɔɔ gurɑ yɑ rɑ nɛ. 12 Gusunɔ bɛsɛn Yinni u rɑ tem mɛ nɔɔriwɑ kpɑ u mu kɔ̃su sɑɑ wɔ̃ɔn torubun di sere gen kpeerɔ.
13 Ì n woodɑbɑ mɛm nɔɔwɑ be nɑ bɛɛ wɛ̃ɛmɔ gisɔ, mɑ i Gusunɔ bɛɛn Yinni kĩɑ mɑ i nùn sɑ̃ɑmɔ kɑ bɛɛn gɔ̃ru kpuro kɑ bɛɛn bwɛ̃rɑ kpuro, 14 u koo de gurɑ yu nɛ yen sɑɑ sɔɔ bɛɛn tem sɔɔ kpɑ ɑlikɑmɑ yu koorɑ i wɑ i gɛ̃ kpɑ i mɑɑ dɑ̃ɑ binu sɔri ni bɑ rɑ kɑ tɑm ko kɑ ni bɑ rɑ kɑ gum ko. 15 U koo mɑɑ de yɑkɑsu su kpi bɛɛn yɑɑ sɑbenun sɔ̃. I ko i mɑɑ deburu wɑ.
16 Yen sɔ̃, i n tii sɛ kpɑ i ku rɑ gɛrɑ swɑɑ geɑn di i dɑ i bũnu yiirɑ i nu sɑ̃. 17 Domi yɑ koo de Yinni Gusunɔ u kɑ bɛɛ mɔru ko, kpɑ u wɔllu kɛnɛ gurɑ yu yɔ̃rɑ yu ku mɑɑ nɛ, kpɑ tem mu ku mɑɑ dĩɑnu ko kpɑ i gbi mii mii tem gem mɛ sɔɔ, mɛ u bɛɛ wɛ̃ɛmɔ. 18 Gɑri yi nɑ bɛɛ sɔ̃ɔmɔ, i de yi n wɑ̃ɑ bɛɛn gɔ̃ruɔ kɑ bɛɛn nɔɔwɔ. I de yi n gbinisi bɛɛn gɑ̃senɔ kɑ bɛɛn sirinɔ kpɑ i n kɑ yi yɑɑye. 19 I ko i yi bɛɛn bibu keu kowɑ kpɑ i n dɑ bu yin gɑri sɔ̃ yɛnusɔ kɑ swɑɑɔ ì n wuu dɔɔ kɑ sɑnɑm mɛ i ko i kpunɑ kɑ sɑnɑm mɛ i seewɑ. 20 I yi yoruo bɛɛn diɑn gɑmbobɑn kɑdiribɑ sɔɔ kɑ wuu duu yerun kɔnnɔsɔ. 21 Ì n kuɑ mɛ, nge mɛ̀n nɔɔ wɔllu kɑ tem mu wɑ̃ɑ, nge mɛn nɔrɑ Yinni Gusunɔ u koo de bɛɛn wɑ̃ɑru tu dɛnyɑ tem mɛ sɔɔ, mɛ u bɛsɛn bɑɑbɑbɑ nɔɔ mwɛɛru kuɑ kɑ bɔ̃ri u nɛɛ, u koo bu wɛ̃.
22 Ì n woodɑ be kpuro mɛm nɔɔwɑ be nɑ bɛɛ wɛ̃ mi, mɑ i kɑ be sɔmburu kuɑ i Gusunɔ bɛsɛn Yinni kĩɑ, mɑ i sĩɑ win swɛɛ kpuro sɔɔ, mɑ i kɑ nùn mɑninɛ mɑm mɑm, 23 sɑɑ ye sɔɔrɑ u koo bɛɛ bwese ni kpuro girɑ ni nu bɛɛ dɑm kɑ dɑbiru kere mi, kpɑ i nin tem mwɑ. 24 Mi i nɑɑsu sɔndi kpuro mu koo kowɑ bɛɛgim. Bɛɛn tem mɛn nɔɔ burɑ yerɑ ko n wɑ̃ɑwɑ sɑɑ tem sɑɑrɑn di sɔ̃ɔ yɛ̃sɑn nɔm dwɑrɔ n kɑ dɑ Libɑnin guunɔ sɔ̃ɔ yɛ̃sɑn nɔm geuɔ, sɑɑ mɑɑ dɑɑ bɑkɑ te bɑ mɔ̀ Efɑrɑtin di sɔ̃ɔ yɑri yerɔ, n kɑ girɑri nim wɔ̃ku ge bɑ mɔ̀ Mɛditerɑnɛɔ sɔ̃ɔ duu yeru giɑ. 25 Goo kun kpɛ̃ u yɔ̃rɑ bɛɛn wuswɑɑɔ u bɛɛ mɑ. Yɑm kpuro mi i ko dɑ tem mɛ sɔɔ, Gusunɔ bɛsɛn Yinni u koo de min tɔmbu bu bɛrum soorɑ kpɑ bɑ n nɑnde bɛɛn sɔ̃ nge mɛ u bɛɛ yen nɔɔ mwɛɛru kuɑ.
26 I swɑɑ dɑkio i nɔ. Domɑru kɑ bɔ̃ri wee. I gɔsio ye i kĩ gisɔ. 27 Ì n Gusunɔ bɛsɛn Yinnin woodɑbɑ mɛm nɔɔwɑ be nɑ bɛɛ wɛ̃ɛmɔ gisɔ, i ko i domɑru wɑ. 28 Adɑmɑ ì n yinɑ i win woodɑbɑ mɛm nɔɔwɑ, mɑ i gɛrɑ win swɑɑn di ye nɑ bɛɛ sɔ̃ɔsimɔ gisɔ, mɑ i dɑ i bũnu sɑ̃wɑ ni i#ǹ dɑɑ yɛ̃, i ko i bɔ̃ri wɑ.
29 Sɑnɑm mɛ Gusunɔ bɛsɛn Yinni u koo de i du tem mɛ i ko i mwɑ sɔɔ, guu te bɑ mɔ̀ Gɑrisimun wɔllɔwɑ i ko i domɑrun gɑri kpɑrɑ kpɑ i mɑɑ bɔ̃rin gɑri kpɑrɑ guu te bɑ mɔ̀ Ebɑlin wɔllɔ. 30 Guu ni, nu wɑ̃ɑwɑ Yuudɛnin guru giɔ, swɑɑ ye yɑ wɑ̃ɑ sɔ̃ɔ duu yeru giɑn biruɔ, Kɑnɑnibɑn temɔ, be bɑ wɑ̃ɑ Yuudɛnin wɔwɑɔ, Giligɑlin deedeeru, Mɔren dɑ̃ɑ sɔ̃ɔn bɔkuɔ. 31 I ko i Yuudɛni tɔburɑ i dɑ i tem mɛ mwɑ mɛ Gusunɔ bɛsɛn Yinni u bɛɛ wɛ̃ɛmɔ. Mu koo ko bɛɛgim kpɑ i sinɑ mi, 32 kpɑ i woodɑbɑ kɑ yiirebu kpuro mɛm nɔɔwɑ mɑm mɑm be nɑ bɛɛ wɛ̃ɛmɔ gisɔ.YINNI GUSUNƆN WOODABA