Mi Isirelibɑ bɑ sirenɑ gbɑburɔ
33
1-2 Sɑnɑm mɛ Mɔwisi kɑ Aroni bɑ Isirelibɑ kpɑrɑmɑ wuuru kɑ wuuru Egibitin di Yinni Gusunɔ u Mɔwisi sɔ̃ɔwɑ u nɛɛ, u yoruo mi bɑ dɑ dɑ. Ye u yoruɑ wee.
3 U nɛɛ, wɔ̃ɔn suru gbiikoon sɔ̃ɔ wɔkurɑ nnɛse sɔɔ yerɑ bɑ Gɔɔ sɑrɑribun tɔ̃ɔ bɑkɑru di nɔn gbiikiru. Yen sisiru mɑ bɑ seewɑ bɑ yɑrɑ Rɑmusɛsin di Egibitigibun nɔni biru kɑ toro sindu. 4 Sɑɑ ye sɔɔ, Egibitigibu bɑ ben bii gbiikobu sikumɔ be bɑ gu sɑɑ ye Yinni Gusunɔ u kɑ ben bũnu siri. 5 Ye Isirelibɑ bɑ seewɑ Rɑmusɛsin di, bɑ dɑwɑ Sukɔtuɔ, bɑ ben sɑnsɑni girɑ. 6 Sukɔtun di bɑ dɑ Etɑmuɔ tem sɑɑrɑm gɑm bɔkuɔ, bɑ ben sɑnsɑni girɑ. 7 Sɑɑ Etɑmun di, bɑ nɑ Pihɑhirɔtuɔ ye yɑ wɑ̃ɑ Bɑɑli Sefonin deedeeru mɑ bɑ ben sɑnsɑni girɑ Migidolin wuswɑɑɔ. 8 Sɑɑ Pihɑhirɔtun di bɑ nim wɔ̃ku tɔburɑ bɑ dɑ Etɑmun tem sɑɑrɑm berɑ giɑ. Bɑ sɑnum sowɑ sɔ̃ɔ itɑ mɑ bɑ dɑ bɑ ben sɑnsɑni girɑ Mɑrɑɔ. 9 Sɑɑ mɑrɑn di bɑ tunumɑ Elimuɔ mi nim nɔnusu wɔkurɑ yiru kɑ kpɑkpɑ bɛ̃ɛ wɑtɑ kɑ wɔkurɑ wɑ̃ɑ mɑ bɑ ben sɑnsɑni girɑ mi. 10 Sɑɑ Elimun di bɑ dɑ bɑ ben sɑnsɑni girɑ nim wɔ̃kun bɔkuɔ ge bɑ mɔ̀ Nɑɑ yɑri. 11 Sɑɑ min di, mɑ bɑ dɑ berɑ mi bɑ mɔ̀ Sini, mi tem mu sɑ̃ɑ sɑɑrɑm. 12 Sɑɑ min di mɑ bɑ dɑ bɑ ben sɑnsɑni girɑ Dofukɑɔ. 13 Sɑɑ min di mɑ bɑ dɑ Alusiɔ bɑ ben sɑnsɑni girɑ mi. 14 Sɑɑ min di, mɑ bɑ dɑ Refidimuɔ bɑ ben sɑnsɑni girɑ mi. Miyɑ Isirelibɑ bɑ nim biɑ bu nɔ.
15 Sɑɑ min diyɑ bɑ seewɑ bɑ dɑ berɑ mi bɑ mɔ̀ Sinɑi mi tem mu sɑ̃ɑ sɑɑrɑm bɑ ben sɑnsɑni girɑ mi. 16 Sɑɑ min diyɑ bɑ dɑ Kiburɔti Hɑtɑfɑɔ bɑ ben sɑnsɑni girɑ mi. 17 Sɑɑ min diyɑ bɑ dɑ bɑ ben sɑnsɑni girɑ Hɑserɔtuɔ. 18 Sɑɑ min diyɑ bɑ dɑ bɑ ben sɑnsɑni girɑ Ritimɑɔ. 19 Sɑɑ min diyɑ bɑ dɑ bɑ ben sɑnsɑni girɑ Rimɔɔ Pɛrɛsiɔ. 20 Sɑɑ min diyɑ bɑ dɑ bɑ ben sɑnsɑni girɑ Libinɑɔ. 21 Sɑɑ min diyɑ bɑ dɑ bɑ ben sɑnsɑni girɑ Risɑɔ. 22 Sɑɑ min diyɑ bɑ dɑ bɑ ben sɑnsɑni girɑ Kehelɑtɑɔ. 23 Sɑɑ min diyɑ bɑ dɑ bɑ ben sɑnsɑni girɑ guu te bɑ mɔ̀ Sɑfɛɛɔ. 24 Sɑɑ min diyɑ bɑ dɑ bɑ ben sɑnsɑni girɑ Hɑrɑdɑɔ. 25 Sɑɑ min diyɑ bɑ dɑ bɑ ben sɑnsɑni girɑ Mɑkelɔtuɔ. 26 Sɑɑ min diyɑ bɑ dɑ bɑ ben sɑnsɑni girɑ Tɑhɑtiɔ. 27 Sɑɑ min diyɑ bɑ dɑ bɑ ben sɑnsɑni girɑ Tɑrɑkiɔ. 28 Sɑɑ min diyɑ bɑ dɑ bɑ ben sɑnsɑni girɑ Mitikɑɔ. 29 Sɑɑ min diyɑ bɑ dɑ bɑ ben sɑnsɑni girɑ Hɑsimɔnɑɔ. 30 Sɑɑ min diyɑ bɑ dɑ bɑ ben sɑnsɑni girɑ Mɔserɔtuɔ. 31 Sɑɑ min diyɑ bɑ dɑ bɑ ben sɑnsɑni girɑ Bɛnɛ Yɑkɑniɔ. 32 Sɑɑ min diyɑ bɑ dɑ bɑ ben sɑnsɑni girɑ Hori Gidigɑdiɔ. 33 Sɑɑ min diyɑ bɑ dɑ bɑ ben sɑnsɑni girɑ Yotibɑtɑɔ. 34 Sɑɑ min diyɑ bɑ dɑ bɑ ben sɑnsɑni girɑ Aboronɑɔ. 35 Sɑɑ min diyɑ bɑ dɑ bɑ ben sɑnsɑni girɑ Ɛsioni Gebɛɛɔ. 36 Sɑɑ min diyɑ bɑ dɑ bɑ ben sɑnsɑni girɑ Kɑdɛsiɔ berɑ mi bɑ mɔ̀ Siniɔ, mi tem mu sɑ̃ɑ sɑɑrɑm. 37 Sɑɑ min diyɑ bɑ dɑ bɑ ben sɑnsɑni girɑ guu te bɑ mɔ̀ Horiɔ Edɔmun tem nɔɔ burɑ yerɔ.
38-39 N deemɑ n kuɑ wɔ̃ɔ weeru sɑɑ min di bɑ yɑrimɑ Egibitin di. Sɑɑ ye, yɑ̃ku kowo Aronin wɔ̃ɔ wunɑɑ teeru kɑ itɑwɑ mi. Mɑ u yɔɔwɑ guu ten wɔllɔ nge mɛ Yinni Gusunɔ u nùn sɔ̃ɔwɑ. Miyɑ u kpunɑ u gu wɔ̃ɔn suru nɔɔbusen tɔ̃ɔ gbiikiru sɔɔ. 40 Mɑ Arɑdin sinɑ boko wi u sɑ̃ɑ Kɑnɑnigii u kɑ wɑ̃ɑ Kɑnɑni yen sɔ̃ɔ yɛ̃sɑn nɔm dwɑru giɑ, u nuɑ mɑ Isirelibɑ bɑ tunumɑ.
41 Ye Isirelibɑ bɑ seewɑ Hori min di, mɑ bɑ dɑ Sɑlumɔnɑɔ, bɑ ben sɑnsɑni girɑ. 42 Sɑɑ min diyɑ dɑ bɑ ben sɑnsɑni girɑ Punɔɔwɔ. 43 Sɑɑ min diyɑ bɑ dɑ bɑ ben sɑnsɑni girɑ Obɔtuɔ. 44 Sɑɑ min diyɑ bɑ dɑ bɑ ben sɑnsɑni girɑ Iye Abɑrimuɔ Mɔɑbubɑn tem nɔɔ burɑ yerɔ. 45 Sɑɑ min diyɑ bɑ dɑ bɑ ben sɑnsɑni girɑ Diboni Gɑdiɔ. 46 Sɑɑ min diyɑ bɑ dɑ bɑ ben sɑnsɑni girɑ Alimɔɔ Dibilɑtɑimuɔ. 47 Sɑɑ min diyɑ bɑ dɑ bɑ ben sɑnsɑni girɑ Abɑrimun guunun berɑ giɑ, Nɛbon deedeeru. 48 Ye bɑ doonɑ Abɑrimun guunun di, bɑ nɑwɑ Mɔɑbubɑn wɔwɑɔ Yuudɛnin bɔkuɔ, Yerikon deedeeru. 49 Mɑ bɑ ben sɑnsɑni girɑ mi, sɑɑ Bɛti Yɛsimɔtin di, n kɑ girɑri Abɛli Sitimuɔ.
Yinni Gusunɔ u woodɑ wɛ̃
bu Kɑnɑnin tem bɔnu ko
50 Yinni Gusunɔ u kɑ Mɔwisi gɑri kuɑ Mɔɑbun wɔwɑɔ, Yuudɛnin bɔkuɔ, Yerikon deedeeru, u nɛɛ, 51 ɑ Isirelibɑ sɔ̃ɔwɔ ɑ nɛɛ, sɑnɑm mɛ bɑ koo Yuudɛni tɔburɑ bu du Kɑnɑnin temɔ, 52 bu tem mɛn tɔmbu kpuro giro ben wuswɑɑn di kpɑ bu ben bwɑ̃ɑrokunu kɔsuku ni bɑ dɑ̃kɑ kɑ ni bɑ sekɑ, kɑ sere mɑɑ ben yɑ̃ku yenu. 53 Bu tem mɛ mɔɔ kpɑ bu sinɑ mi, domi nɑ bu mu wɛ̃wɑ mu n sɑ̃ɑ begim, 54 kpɑ bu tem mɛ bɔnu ko kɑ tɛtɛ nge mɛ ben bwese kɛrin tɔmbɑ geeru nɛ. Bèn tɔmbu bɑ dɑbi, bu bu tem wɛ̃ɛyɔ mu n kpɑ̃. Be bɑ#ǹ mɑɑ dɑbi kpɑ u bu wɛ̃ fiiko. Bɑ koo bwese kɛrɑ bɑɑyere yen tem wɛ̃wɑ berɑ ye bɑ tɛtɛ di kpɑ mu n sɑ̃ɑ begim. 55 Adɑmɑ bɑ̀ kun tem mɛn tɔmbu gire ben wuswɑɑn di, be bɑ deri mi, bɑ ko n sɑ̃ɑwɑ nge sɑ̃ki yi yi ko n ben nɔni sɔkumɔ, kɑ yɑbiri yi yi ko n bu sɔkirimɔ berɑ kɑ berɑ. Bɑ ko n sɑ̃ɑwɑ ben yibɛrɛbɑ tem mɛ sɔɔ, mi bɑ koo sinɑ mi. 56 Sɑɑ ye, beyɑ kon kuɑ ye nɑ rɑɑ gɔ̃ru doke n yibɛrɛ be kuɑ.