Be bɑ tii Yinni Gusunɔ wɛ̃
6
1 Yinni Gusunɔ u Mɔwisi sɔ̃ɔwɑ u nɛɛ, 2 ɑ Isirelibɑ sɔ̃ɔwɔ ɑ nɛɛ, goo ù n tii wunɑ nɛnɛm u kɑ tii Yinni Gusunɔ wɛ̃, 3 yɛ̃ro u#ǹ koo tɑm gɑm nɔ, bɑɑ mɛ bɑ kuɑ kɑ resɛm. U#ǹ mɑɑ resɛm bekɑ ǹ kun mɛ gbebɑ dimɔ. 4 Sɑɑ ye u tii Gusunɔ wɛ̃ mi, u#ǹ gɑ̃ɑnu dimɔ ye bɑ kuɑ kɑ resɛm. 5 U#ǹ mɑɑ win seri kɔnimɔ sere win tii wɛ̃ɛbun tɔ̃ɔ te, tu kɑ yibu. U koo win seri deriwɑ yi n kpɛ̃ɑmɔ, kpɑ u n wɑ̃ɑ Gusunɔn sɔ̃. 6 U ku rɑɑ mɑɑ susi goru gɑrun bɔkuɔ u sere tu bɑbɑ, 7 bɑɑ ǹ n win bɑɑn gorun nɑ, ǹ kun mɛ win mɛrogiru, ǹ kun mɛ win wɔnɔ kɑ win mɔɔgiru, ǹ kun mɛ win sesugiru. Domi seri yi u sɔɔwɑ mi, yi sɔ̃ɔsimɔ mɑ u tii Gusunɔ wɛ̃ɛwɑ.
8 Win tii wɛ̃ɛbun sɑɑ ye sɔɔ, u ko n wɑ̃ɑwɑ Yinni Gusunɔn sɔmburun sɔ̃. 9 Wi kɑ goo bɑ̀ n wɑ̃ɑ sɑnnu mɑ yɛ̃ro u gu suɑru sɔɔ, mɑ u disi duurɑ, u koo win seri kɔniwɑ sɔ̃ɔ nɔɔbɑ yiruse dɔmɑ te u tii dɛɛrɑsiɑmɔ. 10 Sɔ̃ɔ nɔɔbɑ itɑse, u koo kɑ yɑ̃ku kowo kpɑrukonu yiru nɑɑwɑ, ǹ kun mɛ, totobɛrɛnu yiru, sɑ̃ɑ yerun kɔnnɔwɔ, 11 kpɑ yɑ̃ku kowo u gen teu go, u kɑ durɔ win torɑrun suuru bikiɑ kpɑ u kɑ yiruse yɑ̃ku dɔ̃ɔ mwɑɑrɑrugiru ko. Yen biru kpɑ u nùn dɛɛrɑsiɑbun wororu koosi. Yen tɔ̃ɔ te, u dɛɛrɑwɑ mi. 12 Kpɑ u mɑɑ wure u tii Yinni Gusunɔ wɛ̃. Sɑɑ yerɑ u koo yɑ̃ɑ kinɛru wɔ̃ɔ tiɑgiru go u kɑ win torɑru sɔmɛ. Adɑmɑ tɔ̃ɔ gbiikii ni u rɑɑ tii wɛ̃ mi, nu kɑm kuɑwɑ mi.
13 Be bɑ tii Gusunɔ wɛ̃n woodɑ wee. Goo ù n tii wunɑ nɛnɛm Yinni Gusunɔn sɔ̃, mɑ u yen tɔ̃ru yibiɑ te u burɑ bɑ koo kɑ nùn dɑwɑ Yinni Gusunɔn sɑ̃ɑ yerun kɔnnɔwɔ. 14 Miyɑ u koo kɑ win kɛ̃ru nɑ Yinni Gusunɔn mi. Niyɑ yɑ̃ɑ kinɛru wɔ̃ɔ tiɑgiru te tɑ#ǹ ɑlebu mɔ, u kɑ yɑ̃ku dɔ̃ɔ mwɑɑrɑrugiru ko, kɑ mɑɑ yɑ̃ɑ niru wɔɔ tiɑgiru te tɑ#ǹ ɑlebu mɔ u kɑ torɑrun yɑ̃kuru ko. Kpɑ u mɑɑ kɑ yɑ̃ɑ kinɛru nɑ te tɑ#ǹ ɑlebu mɔ u kɑ siɑrɑbun yɑ̃kuru ko. 15 U koo mɑɑ kɑ pɛ̃ɛ nɑ bireru sɔɔ ye bɑ#ǹ seeyɑtiɑ doke, yen gɛɛ yi n kpɑ̃ yèn som bɑ kɑ gum burinɑ, yen gɛɛ yi kun mɑɑ kpɑ̃ yi bɑ koo gum tɛɛni. 16 Yen biru kpɑ yɑ̃ku kowo u kɑ kɛ̃ɛ ni nɑ Yinni Gusunɔn mi, kpɑ u torɑrun yɑ̃kunu ko kɑ sere yɑ̃ku dɔ̃ɔ mwɑɑrɑruginu. 17 Kpɑ u mɑɑ siɑrɑbun yɑ̃kunu ko kɑ yɑ̃ɑ kinɛ te, kɑ pɛ̃ɛ ye yɑ wɑ̃ɑ bire te sɔɔ, ye bɑ#ǹ seeyɑtiɑ doke, kɑ som mɛ, kɑ tɑm mɛ. 18 Sɑɑ ye sɔɔ, wi u tii wɛ̃ mi, u koo win seri yi kɔniwɑ Yinni Gusunɔn sɑ̃ɑ yerun kɔnnɔwɔ, kpɑ u yi kpɛ̃ɛ mi bɑ siɑrɑbun yɑ̃kurun dɔ̃ɔ sɔ̃ruɑ. 19 Yen biru yɑ̃ku kowo u koo yɑ̃ɑ kinɛ ten nɔmu suɑ te bɑ sɑwɑ mi, kpɑ u pɛ̃ɛ kɑ kirɑ teeru suɑ birerun di, kpɑ u ye kpuro sɔndi durɔ win nɔmuɔ wi bɑ kɔnɑ mi. 20 Yen biru yɑ̃ku kowo u koo ye Yinni Gusunɔ sɔ̃ɔsi, kɑ sere yɑɑ yen guro guroru kɑ yen tɑɑ teeru sɑnnu, kpɑ yu ko wi yɑ̃ku kowogiɑ. Woro nini kpuron biruwɑ wi u tii Yinni Gusunɔ wɛ̃ mi, u koo den kpĩ u tɑm nɔ.
21 Yerɑ yɑ sɑ̃ɑ be bɑ tii wunɑ nɛnɛm Yinni Gusunɔn sɔ̃n woodɑ. Yɑ̃ku niyɑ bɑ koo mɑɑ ko. Bɑ̀ n mɑɑ dɑm mɔ bu kɑ Yinni Gusunɔ kɛ̃nu gɑnu wɛ̃ nini bɑɑsi, bɑ koo kpĩ bu ko. Adɑmɑ bɑɑ ǹ n mɛren nɑ, bɑ koo nùn wɛ̃wɑ ye bɑ nɔɔ mwɛɛru kuɑ nge mɛ yen woodɑ yɑ geruɑ.
Nge mɛ bɑ ko n dɑ domɑru ko
22 Yinni Gusunɔ u Mɔwisi sɔ̃ɔwɑ u nɛɛ, 23 ɑ Aroni kɑ win bii tɔn durɔbu sɔ̃ɔwɔ ɑ nɛɛ, wee nge mɛ bɑ ko n dɑ gere bɑ̀ n Isirelibɑ domɑru kuɑmmɛ. 24 Bɑ ko n dɑ nɛɛwɑ,
Yinni Gusunɔ u bɛɛ domɑru kuɑ,
kpɑ u bɛɛ kɔ̃su.
25 Yinni Gusunɔ u kɑ bɛɛ nɔnu geu mɛɛri
kpɑ u bɛɛ durom kuɑ.
26 Gusunɔ u bɛɛ mɛɛrimɑ,