Cerita Sujati Madya
Malekat kaciptayang
Wenten cerita sujati saking Cakepan Sucine indik Sang Hyang Tunggal nyiptayang malekata.
Pengawitnyane wantah Sang Hyang Tunggal. Sang Hyang Tunggal wantah welas asih, suci lan mahakuasa. Ida wantah Sang Hyang Aji sane nyiptayang jagate puniki. Ida wantah Sang Hyang Sabda. Kenten pada Ida wantah Roh Sang Hyang Tunggal.
Sang Hyang Tunggal nyiptayang malekat-malekat sedurung Ida nyiptayang jagat lan isinyane. Malekat-malekat sane kaciptayang olih Sang Hyang Tunggal punika wantah roh sane luwih pisan, mabina kepinin atma. Geginan malekat-malekate punika wantah nyungsung Sang Hyang Tunggal lan ninutin sekancan pikayunan Sang Hyang Tunggal. Malekat-malekat sane kaciptayang Ida, kalintang akeh pisan kantos nenten sida antuk metek. Lan sami malekat-malekate punika wantah becik pisan.
Nah kacerita mangkin, saking malekat sane akeh punika, wenten asiki sane nungkasin Sang Hyang Tunggal. Malekate punika ngalain tegak luwih ring swargab. Ia ngajak malekat-malekat ane tiosan mangda nungkasin Sang Hyang Tunggal. Malekat sane nungkasin Sang Hyang Tunggal sane kapertama punika kasengguhin ‘Ratun buta kalac.’ Lan pengikut-pengikutnyane kasengguhin ‘buta kala.’
Saking paindikane puniki kantos kayang mangkin, Ratun buta kala lan pengikut-pengikutnyane dados meseh Sang Hyang Tunggal. Kenten pada, Ratun buta kala sareng pengikut-pengikutnyane setata mobabin I manusa lan ngutsahayang nyengkalen manusa mangda manusane nenten nyembah Sang Hyang Tunggal. Saking paindikane punika Sang Hyang Tunggal jagi ngukum Ratun buta kala sareng pengikut-pengikutnyane ring kawah apine selamin-laminnyane.