Hîng Myi-kok Tsûngjang Eq Tsanlun Gàm Í Gâm
4
Haû ngò eq dáng nyo nyi é maumang lagyo gi, dum taû lé mù, yhup ngón nyî sû lé nhaû é su, ngo lé nhau mù, 2 “Nàng haî myang ri lhú?” ga myî ri.Ngò gi, “Hîng myi-kok tsûngjang lé le, hau é ahtoq má hkoq eq myibung nyhit lhum tsung tô é lé le, myibung hkangmó má xoq tô é xû yuì chô nyhit hkat lé le, myang ri. 3 Hau htoq agó, tsanlun gàm í gâm, hkoq é lòqyò hkyam shut ragàm, lòqpaî hkyam shut ragàm yùq tô é lé le myang ri.” nghû tû taî é nghut lhê.
4 Ngò gi, ngò eq dáng nyo nyi é maumang lagyo lé, “Ngá é yhûmsîng ê, shí pé gi, haí jung lhú?” nghû myî é nghut lhê.
5 Yhang gi, “Shí pé haí jung nghut é lé nàng a sé lhí?” ga tû taî ri.
Ngò gi, “Ngá é yhûmsîng ê, a sé.” nghû tû taî é nghut lhê.
6 Haû mù, yhang gi, ngo lé, “Shî gi, Zerubabela é matú haû Yhûmsîng Garaî é mungdang nghut lhê; haû Wum-o a-tsam dìk shoq bò Sû Yhûmsîng Garai gi, ‘Wum-o a-tsâm èq le a nghut, hpungwup a-tsam èq le a nghut, Ngá é So èq shèq ung é ru nghut lhê.’ ga taî ri.
7 Bùm mó góng ê, nàng gi, haî wá nghut lhê lhú? Nàng gi, Zerubabela é hí má pá dùt byùq râ nghut lhê. Hau htâng, yhang gi, je ló htâng é yhûma lùqgòk kê é hkûn, ‘Shî lé Garai Gasang shimân byi sháng gàq! Shî lé Garai Gasang shimân byi sháng gàq!’ ga taî garu kôrâ nghut lhê.” ga taî ri.
8 Hau htoq agó, haû Yhûmsîng Garaî é mungdang ngá chyáng jé ri; haû gi, 9 “Zerubabela é lòq gi, noqkuq yhûm shi é a-pûn awang lé hi to bê nghut ri; yhâng é lòq gi, haú lé saî pán râ nghut lhê. Haú hkûn, haû Wum-o a-tsam dìk shoq bò Sû Yhûmsîng Garai gi, ngo lé náng chyáng nhang kat é hkyô lé, nàng sé râ nghut lhê.
10 Mú zo pé kut nyi é buìnyì lé ó yùq wám wú tiq lhê lhú? Myìdàm htoq gón lé wú nyi é, haû Yhûmsîng Garaî é myòqjí nghut é myi-kok nyhit lhum haû gi, Zerubabela é lòq má ló htâng é yhûm lùqgòk haû chung tô é lé myàng jáng, gyai gabú râ nghut lhê.” gâ é nghut ri.
11 Haú hkûn, ngò gi, maumang lagyo haú lé, “Shî myi-kok tsûngjâng é lòqyò lòqpai shut mâ é tsanlun í gâm gi, haî nghut lhê lhú?” nghû myî é nghut lhê.
12 Ngò gi, yhang lé, “Haû hîng isâm xû yui htoq é hîng chô í hkat nâm mâ é, tsanlun akoq í koq gi, haî nghut lhê lhú?” nghû dum myî é nghut lhê.
13 Haú hkûn, yhang gi, “Shî haí jung nghut é lé nàng a sé lhí?” ga tû taî ri.
Ngò gi, “Ngá é yhûmsîng ê, a sé.” nghû tû taî é nghut lhê.
14 Haû mù, yhang gi, “Akoq shî í koq gi, myìdàm gón é Yhûmsîng Garai lé dójaú râ matú, namngón xû but huî é su nhik nghut ri.” ga taî ri.