Adam Mai No-aq Jé Shoq Byùxik Gôn É Hkyô
5
A-ô mâ é gi, Adam é awùt ashîn pê é hkyô lé kâ xûm tô é nghut lhê.Garai Gasang gi, byù lé hpan é hkûn, Yhâng é sâmlai eq dù shoq, yhang lé hpan tô ri. 2 Yhang gi, xângzo yùqgè eq myiwe lé hpan to mù, haú nhik lé shimân byî ri. Haú nhik lé hpan kat é hkûn, Yhang gi, haú nhik lé, “Byùa” ga myhîng ri.
3 Adam gi, chyungxe zànwut 130 zàn bo é hkûn, yhâng é sâmlai eq le, gùng zòng alhô eq le du é yùqzo rayùq hku ri; yùqzo hau é myìng lé gi, Shet ga myhíng byî ri. 4 Shet lé hku é htâng, Adam gi, 800 zân chyungxe xoq duî mù, gótû yùqzo byìzô pé lé dum hku ri. 5 Adam gi, bànshoq 930 zân chyungxe duì mù, shi ló byùq bê nghut ri.
6 Shet gi, chyungxe zànwut 105 zàn bo é hkûn, Enusha lé hku ri. 7 Enusha lé hku é htâng, Shet gi, 807 zân chyungxe xoq duî mù, gótû yùqzo byìzô pé lé dum hku ri. 8 Shet gi, bànshoq 912 zân chyungxe duì mù, shi ló byùq bê nghut ri.
9 Enusha gi, chyungxe zànwut 90 zàn bo é hkûn, Kenan lé hku ri. 10 Kenan lé hku é htâng, Enusha gi, 815 zân chyungxe xoq duî mù, gótû yùqzo byìzô pé lé dum hku ri. 11 Enusha gi, bànshoq 905 zân chyungxe duì mù, shi ló byùq bê nghut ri.
12 Kenan gi, chyungxe zànwut 70 zàn bo é hkûn, Mahalalela lé hku ri. 13 Mahalalela lé hku é htâng, Kenan gi, 840 zàn chyungxe xoq duî mù, gótû yùqzo byìzô pé lé dum hku ri. 14 Kenan gi, bànshoq 910 zàn chyungxe duì mù, shi ló byùq bê nghut ri.
15 Mahalalela gi, chyungxe zànwut 65 zân bo é hkûn, Yaret lé hku ri. 16 Yaret lé hku é htâng, Mahalalela gi, 830 zàn chyungxe xoq duî mù, gótû yùqzo byìzô pé lé dum hku ri. 17 Mahalalela gi, bànshoq 895 zân chyungxe duì mù, shi ló byùq bê nghut ri.
18 Yaret gi, chyungxe zànwut 162 zân bo é hkûn, Enuk lé hku ri. 19 Enuk lé hku é htâng, Yaret gi, 800 zàn chyungxe xoq duî mù, gótû yùqzo byìzô pé lé dum hku ri. 20 Yaret gi, bànshoq 962 zân chyungxe duì mù, shi ló byùq bê nghut ri.
21 Enuk gi, chyungxe zànwut 65 zân bo é hkûn, Mehtusela lé hku ri. 22 Mehtusela lé hku é htâng, Enuk gi, 300 zàn Garai Gasang eq rahá nghut nyî mù, gótû yùqzo byìzô pé lé dum hku ri. 23 Enuk gi, bànshoq 365 zân chyungxe dui ri. 24 Enuk gi, Garai Gasang eq rahá nghut nyi ri; htâng má, yhang gi, a nyi byùq lo nghut ri; haî mù gâ lé, Garai Gasâng èq yhang lé shuî yu pyâm é yánmai nghut ri.
25 Mehtusela gi, chyungxe zànwut 187 zân bo é hkûn, Lamek lé hku ri. 26 Lamek lé hku é htâng, Mehtusela gi, 782 zân chyungxe xoq duî mù, gótû yùqzo byìzô pé lé dum hku ri. 27 Mehtusela gi, bànshoq 969 zân chyungxe duì mù, shi ló byùq bê nghut ri.
28 Lamek gi, chyungxe zànwut 182 zân bo é hkûn, yùqzo rayùq hku ri. 29 Yhang gi, yùqzo haú lé, “Yhang gi, haû Yhûmsîng Garai mai nhîng pyám bê nghut é myigung èq, ngá-nhúng lé zuî hkyik zuî pâ nhang é má, ngá-nhúng lé nhiktíng byi râ sû nghut lhê.” ga luî, No-aqb ga myhíng byî ri. 30 No-aq lé hku é htâng má, Lamek gi, 595 zân chyungxe xoq duî mù, gótû yùqzo byìzô pé lé dum hku ri. 31 Lamek gi, bànshoq 777 zân chyungxe duì mù, shi ló byùq bê nghut ri.
32 No-aq gi, chyungxe zànwut 500 zàn bo é htâng má, Shem, Ham eq Yahpet lé hku ri.