Ata Etip Ike
Jọn
Ogebe
Ogwu ògege ata etip keyi ìre Jọn gwun̄ kè Jebidi, ogwu otuchieen̄ kè Jisọs, ogwu Jisọs omabe ichit. Jọn ìge inu îsabe chieen̄ kan̄ imun̄, mè isa utọn̄ kan̄ inọ.
Jọn ìge ata etip yi, inyi ebilene echieek ibe ke Jisọs ore Karais ya, mè ire si Gwun̄ Awaji, inyi ene geelek òchechieek me lek kan̄ ikaan̄ ugwem ikakaan̄ge itata inan̄a me lek erieen̄ kan̄ (20:31).
Îjeen̄ ibe ke Jisọs ore Ikọ Awaji òkakana ebilene, mè ire si atata Ogwu Òkpukpo Arọọn̄, mè Oniin̄, mè Ugwem, mè Atikọ, mè Ijojomo Me Mkpa, mè Inorie Òkinyi Ene Ugwem, mè Gwun̄ Arọọn̄ ngwugwa Awaji ogwu òniben ijo inu ebi linyọn̄ isan̄a.