Iqmoeq 36
Eilsaol nee mail yavq kha lee thaq nail yaq juq
1 Niil neq, Eiqdonq dai iqsanl, mil-ai thaq nail Eilsaol nee mail yavq kha lee thaq nail yaq juq nail ganl gevq-ai thaq nail ngaol.
2 Eilsaol neq, Khaqnanq milkhaoq bhai jaol nail yaqmai-aq nvq gaq-ai hevq-a nail ngaol. Aivq nail khaqma al nvq gaq neq, Hiltiv nail jeq-e Eillonq nail yaqmiq Aqdal, Hilwil nail jeq-e Silbhiqyonq nail yaqyov Aqna nail yaqmiq Aqhaollilbhaqmav ngaol.
3 Ilsaqmeiqlav nail yaqmiq Naqbhaqyol nail dulma Bhaqseiqmal bhai iqsanl hevq-a nail ngaol.
4 Aqdal neq, Eilsaol nail haqbhoil yaqyov Eillilphaq bhao khi, Bhaqseiqmal gaq neq, yaqyov Luqaiqlav bhai bhao-a nail ngaol.
5 Aqhaollilbhaqmav neq, Yulsav, Yaqlanq, Kaollav, aqyu 3 mail bhai bhao-a nail ngaol. Eilsaol nail yaqyov niil juq iqsanl mail Khaqnanq milkhaoq lavqkhoel bhai bhao-a nail ngaol.
6 Eilsaol neq, aivq nail khaqma juq, yaqmiq yaqyov juq, aivq nail tsaol-aq juq, yaol juq, civqmeiv juq, jaiqyaq juq khi mail, Khaqnanq milkhaoq lavqkhoel bhai khal nl ya-a nail phul heel ildaoq maoqgaiq juq iqsanl mail oil khi, aivq nail jaqbheq Yaqkov jaol nail nee mail yaoq dao yaoq bha dov ail-a nail ngaol.
7 Khul khi mail dai ngal-aq, aqyu nvq mail-i mail jiav nail ildaoq maoqgaiq dai khi jaiqyaq juq neq, aq jaiq-ail mao nail ngel-i mail, jaolduq jaol yal maq lovq lai dai pevq lal-a nail ngaol.
8 Al heel ngel-i mail, Eiqdonq dai iqsanl khul nail Eilsaol neq, Sol-iq nail gaoqjaoq gaoq dul mao dai jiav nail miltsaq bha jaol ail-a nail ngaol.
9 Niil neq, Sol-iq nail miltsaq bhai jaol nail, Eiqdonq nail jeq-e juq nail aqbhu pevq nail Eilsaol nee mail yavq kha lee thaq nail yaq juq nail ganl gevq-ai thaq nail ngaol.
10 Eilsaol nail yaqyov juq nail aqmil juq neq niil juq pevq nail ngaol: Eilsaol dai khi Aqdal nee mail ya-a nail yaqyov neq, Eillilphaq ngaol. Eilsaol nail khaqma Bhaqseiqmal nee ya-a nail yaqyov neq, Luqaiqlav ngaol.
11 Eillilphaq nail yaqyov juq neq, Teiqmanq, Aolmanq, Seiqphaol, Gaoqthanq dai khi Keiqnav, niil 5 gaq ngaol.
12 Eillilphaq neq, Tilmaqnav dai khul nail maniil teevq gaq jaol nail nee ovqtavq, aivq nee mail Aqmaqlail dai, khul nail yaqyov teevq gaq iqsanl jaol nail ngaol.
Niil juq neq, Eilsaol nail khaqma Aqdal nail aqjievq juq pevq nail ngaol.
13 Luqaiqlav nail yaqyov juq neq, Naqhav, Seiqlav, Sanqmal dai khi Milsav, niil 4 gaq ngaol. Niil juq neq, Eilsaol nail khaqma Bhaqseiqmal nail aqjievq juq pevq nail ngaol.
14 Silbhiqyonq nail yaqyov Aqna nail yaqmiq Aq haol lil bhaq mav nee mail ya-a nail Eilsaol nail yaqyov juq neq, Yulsav, Yaqlanq, Kaollav, niil 3 gaq ngaol.
15 Niil neq, Eilsaol nee mail yavq kha lee-a nail yaq juq nail lavqkhoel khe aqivq jiovq nail juq ngaol. Eilsaol nail uqbhao yaqyov Eillilphaq-i mail bhao-a nail Teiqmanq, Aolmaq, Seiqphaol, Keiqnav,
16 Kaollav, Gaoqthanq dai khi Aqmaqlail, niil 7 gaq ngaol. Niil juq neq, jeq-e nail aqivq pevq nail ngaol. Niil juq neq, Eiqdonq miltsaq bhai Eillilphaq nee mail yavq kha lee thaq nail aqivq jiovq nail yaq juq ngaol. Al ovqtavq, Aqdal nail aqjievq iqsanl, pevq nail ngaol.
17 Eilsaol nail yaqyov pevq nail Luqaiqlav nail yaqyov juq neq, Naqhal, Seiqlav, Saqmav dai khi Milsaq, niil 4 gaq ngaol. Aqyu juq neq, Luqaiqlav nee yavq kha lee thaq nail Eiqdonq miltsaq khe aqivq jiovq nail juq pevq nail ngaol. Al ovqtavq, aqyu juq iqsanl mail, Eilsaol nail khaqma Bhaqseiqmal nail aqjievq juq pevq nail ngaol.
18 Aqna nail yaqmiq pevq nail Eilsaol nail khaqma Aqhaollilbhaqmav nee mail doevq lee-a nail yaqyov juq neq, Yulsav, Yaqlanq dai khi Kaollav, niil 3 gaq ngaol. Aqyu juq neq, Aqhaollilbhaqmav nee yavq kha lee-a nail yovqgavq nail jeq-e bhai, aqivq jiovq nail juq iqsanl pevq nail ngaol.
19 Pultavq khe ge khal lee-a nail niil juq iqsanl mail neq, Eiqdonq dai iqsanl khul nail Eilsaol nail ov nee doevq lee-a nail yaqyov juq ngaol. Aqyu juq neq, yovqgavq nail jeq-e bhai aqivq jiovq nail juq iqsanl, pevq nail ngaol.
Sol-iq nee mail yavq kha lee thaq nail yaq juq
20 Eiqdonq miltsaq bhai jaol nail Haol liv nail jeq-e pevq nail Sol-iq nail yaqyov juq neq, Laoltanq, Saoqbhal, Silbhiqyonq, Aqna,
21 Dilsonq, Eilsaq dai khi Dilsanq, niil 7 gaq ngaol. Sol-iq nail yaqyov niil juq neq, Eiqdonq miltsaq khe jaol nail, Haolliv nail jeq-e nail aqivq jiovq nail juq iqsanl, pevq nail ngaol.
22 Laoltanq nail yaqyov juq neq, Haolliv dai khi Heiqmanq, niil nvq gaq ngaol. Laoltanq nail nailma neq, Tilmaqnav ngaol.
23 Saoqbhal nail yaqyov juq neq Aqlaiqwaq, Maqnaqhal, Eilbhal, Seiqphaol khi mail Aolnaqmav, niil 5 gaq ngaol.
24 Silbhiqyonq nail yaqyov juq neq, Aqya dai khi Aqna niil nvq gaq ngaol. Aqna neq, aivq nail aqbhu Silbhiqyonq nail moeqphaq laljieiv lovq-u phao, tsalhail daikav bhai ulcuvq aqlaol dov lal nail aqduq moel-a nail gaq ngaol.
25 Aqna neq, yaqyov Dilsonq dai khi yaqmiq Aqhaollilbhaqmav jaol nail ngaol.
26 Dilsonq nail yaqyov juq neq, Heiqdanq, Eilsaqbhanq, Iltaqlanq dai khi Kheiqlanq, niil 4 gaq ngaol.
27 Eilsaq nail yaqyov juq neq, Bhillaqhaq, Saqwaq dai khi Aqkanq niil 3 gaq ngaol.
28 Dilsanq nail yaqyov juq neq, Ulsav dai khi Aqlan, niil nvq gaq ngaol.
29 Niil juq neq, Haolliv nail jeq-e nail aqivq jiovq nail juq pevq nail ngaol. Laoltanq, Saoqbhal, Silbhiqyonq, Aqna,
30 Dilsonq, Eilsaq dai khi Dilsanq, niil 7 gaq ngaol. Aqyu juq neq, Sol-iq nail miltsaq bhai yovqgavq nail jeq-e bhai aqivq jiovq nail ngaol.
Eiqdonq miltsaq bhai uv thaiq-a nail juq
31 Niil neq, Ilsaqleiqlav nail milkhaoq bhai uv thaiq nail heeqphaq maq dov lal nail iqmoeq bhai, Eiqdonq miltsaq bhai uv thaiq-a nail heeqphaq juq ngaol.
32 Bheiqaoq nail yaqyov Bheiqlav neq, Dinlhaqbhaq nail meenq bhai jaol khi Eiqdonq miltsaq bhai uv thaiq nail ngaol.
33 Bheiqlaq sil gaq-u phao, Bhaolsallav nail meenq khe jaol nail Seiqlav nail yaqyov Yaolbhaq heeqphaq pevq lal-a nail ngaol.
34 Yaolbhaq sil gaq-u phao, Teiqmaqnil miltsaq khe jaol nail Hulsanq, heeqphaq pevq lal-a nail ngaol.
35 Hulsanq sil gaq-u phao, Maolbav nail milkhaoq-ai Mildanq nail jeq-e bhai genl dev khi gaq lai-a nail Bheiqdal nail yaqyov Haqdaq, heeqphaq pevq lal-a nail ngaol. Aivq neq, Aqwil nail meenq bhai jaol khi uv thaiq-a nail ngaol.
36 Haqdal sil gaq-u phao, Maqsaqlaiqkaq meenq khe jaol nail Saqmaqlav, heeqphaq pevq lal-a nail ngaol.
37 Saqmaqlav sil gaq-u phao, laoljaol daolbhaq bhai jiav nail Laqhaolbho meenq khe jaol nail Salu heeqphaq pevq nail ngaol.
38 Saollav sil gaq-u phao, Aqkhaqboq nail yaqyov Bhaqlal-Haqnanq heeqphaq pevq lal-a nail ngaol.
39 Bhaqlal Haqnanq sil gaq-u phao, Haqdaq heeqphaq pevq lal-a nail ngaol. Aivq neq, Pa-uq nail meenq bhai jaol khi, uv thaiq-a nail ngaol. Aivq nail khaqma neq, Maqtaqlail nail yaqmiq Meiq Saqhav nail aqjievq Maqheiqtaqbheiqlal ngaol.
40 Eilsaol nee mail yavq kha lee thaq nail yovqgavq nail jeq-e bhai aqivq jiovq nail juq neq, Tilmaqnav, Aqlaqwal, Yeiqtail,
41 Aqhaollilbhaqmav, Eillaq, Pilnonq,
42 Keiqnav, Teiqmanq, Milbhaqsaq,
43 Maqgaqdeiqlal dai khi Illanq, niil 11 gaq ngaol. Tsaol-aq niil juq neq, aqyu juq nail jaol khaoq jaol laoq bhai, aqivq jiovq-ai thaq nail juq ngaol. Eilsaol neq, Eiqdonq tsaol-aq juq nail aqbhu pevq nail ngaol.