Kilaakna
Thupatna
Hih Kilaakna laibu, sawltakpi John in Patmos tuikulh ah a thongkiat lai-a a gelh ahi hi. Hih laibu a gelhna sungah John in, Jesu Christ a upna uh hanga nasiatak bawlsiatna thuak Christian-te tungah lametna a om lam a hanthawnna bulpi ahi hi. Hih Christian-te in hih leitunga a piang khempeuh Pasian in a uk lam a theih ding uh kisam hi.
Khat veivei a theihtel hak hangin kisun le limte tungtawnin kitel khat om hi - leitung mihingte ahi, a vanglian kumpite na ngawn - mi khempeuh na khempeuh tungah Jesu Christ in Topa le ukpa ahi hi. A uk taktak amah hi a ni khat ni ciangin migilote le Satan tung nangawn ah thukhenin dan pia ding hi. Amah in vanthak le leithak tawh tawntung kumpi-gam zong a phut ding hi.
Athute tomlahna
John tungah Christ amah mah kilaak (1:1-20)
Pawlpi sagihte tunga laikhakte (2:1-3:22)
Van kumpi tokhom (4:1-5:14)
Pengkul sagihte (8:6-11:19)
Milim sagihte (12:1-14:20)
Thangpaihna haite (15:1-16:21)
Babylon thunkhenna (17:1-19:10)
Ganhing le kamsang zuaute thu kikhenna (19:11-21)
Satan thu kikhen (20:1-3)
Kum tul man’na (20:4-6)
Lehdona le a nunungpen thukhenna (20:7-15)
Vanthak, leithak, Jerusalem thak (21:1-22:5)
Thukhupna (22:6-21)