Ephesa i

Ephesa

Thupatna

Hih laikhak (AD 60 pawl a) Rome ah kum nih sung a thongkiat lai-a Paul gelh ahi hi. Hih laikhak pen Ephesus pawlpite bek a khak hilo a, Ephesus kim a Christian pawlpite khempeuh a khak hizaw kha ding hi. Tua hun lai-in Ephesus zai in khuapi thupi hi a Christian pawlpite adingin phualpi ahi hi.

Ephesus-te tunga Paul bulphuh khat pen kipawlkhawmna le Pasian deih ahi "Vantung le leitunga na khempeuh Christ ah - lutang khat nuai-a gawmkhawm ding" ahi hi. Hih kipawlna hangin Paul in Christian khempeuh Jesu’ sungah innkuan khat hi a, khat le khat ki-it ding hi, ci-in gelh hi.

Amah in thu-umte "itna tawh nuntak zia" ding hilh a, zi le pasal, nu le pa le tate, le silate le a pute kizop ding zia gen hi.

Hih laikhak sungah Paul in pawlpi thu zong gelh hi. Mun tuamtuam a kilam biakinnte hi loin a omsa Christian pawlpite khempeuh kipawlna ahi hi. Hih pen eite in " khuavannuai-a pawlpi" i ci hi. Amah in Christ le pawlpi kizopna pen pumpi, omzia, inn lamzia, le zi tawh na tehkak hi.

Athute tomlahna

Hopihnate (1:1, 2)

Christ le pawlpi (1:3-3:21)

Thu-umte gamtatzia (4:1-6:9)

Christian-te galdona (6:10-20)

Thukhupna (6:21-24)