Jesu a Kizia-etna
4
1 Tua ciangin dawimangpa zia-etna thuak dingin Kha in Jesu gamlakah a pi hi.
2 Sun sawmli le zan sawmli an a tan khit ciangin a gil kial hi.
3 Tua zia-etpa a kiangah va pai-a,
"Nang Pasian Tapa na hileh hih suangte anlum suaksak in,"
a ci hi.
4 Jesu in,
"Mite anlum bek tawh nungta hi loin Pasian kam sung pana pusuak thu khempeuh tawh a nungta hizaw hi,’
ca ci-in kigelhhi,"
ci-in a dawng hi.
5 Tua ciangin dawimangpa in amah khuapi siangtho ah paipih-a,
biakinnpi khum a sang penna ah a dingsak hi.
6 Dawimangpa in,
"Nang Pasian Tapa na hileh tuaksuk dih in.
Ahang in:
‘Amah in nang hangin ama vansawltakte thu pia dinga,
na khepekte suang tawh a kisukkhak loh nadingin
a khut uh tawh hong domto ding uh hi,’
db ci-in kigelh hi,"
a ci hi.
7 Jesu in,
"‘Na Topa Pasian na zia-et kei in,’
ec ci-in zong kigelh hi,"
ci-in a dawng hi.
8 Tua khit ciangin dawimangpa in amah mual sangpi dawnah paipih leuleu a,
leitunga om kumpi-gam khempeuh le a thupinate a lak hi.
9 Amah in,
"Kunin kei nong biak leh hihte khempeuh nang kong pia ding hi,"
a ci hi.
10 Jesu in,
"Satan,
paikhiamang in!
‘Na Topa Pasian bia inla,
ama na bek sem in,’
fd ci-in kigelh hi,"
a cih san hi.
11 Tua ciangin dawimangpa in amah paisan a,
vansawltakte hong pai-in Jesu a don uh hi.
Jesu Thuhilh Kipan
12 Jesu in John thongkiatna thu a zak ciangin Galilee ah a ciah kik hi.
13 Nazareth nusia in Zebulun le Naphtali gamhuam tuilipi gei khata om Capernaum ah pai-in a teng hi.
14 Hih in kamsang pa Isaiah tungtawna kigenkholsa:
15 "Zebulun gam le Naphtali gam,
Jordan gun dunga tuipi zuatna lampi,
Gentile-te tenna Galilee ah,
16 khuamial sunga teng mite in,
khuavak lianpi a mu zo uh hi;
sihna liim gam sunga teng mite tungah
khuavak tang khin ta hi."
ge cih thu a tangtun nading ahi hi.
17 Tua huna kipanin Jesu in,
"Vantung gam hong nai zo ahi manin kisik un,"
ci-in thuhilh a kipan hi.
Nungzui Masate Sapna
18 Galilee Tuipi gei-a Jesu a pai laitakin Peter kici Simon le a nau Andrew-te unau a mu hi.
Amaute nga bengte ahi manun tuilipi sungah len a khuh laitak uh ahi hi.
19 Jesu in,
"Hong pai unla kei hong zui un.
Mihing mante kong suaksak ding hi,"
a ci hi.
20 Amau zong a lente uh nusia in amah a zuipah uh hi.
21 Tua pan a paikhiat ciangin unau dang nih,
Zebedee tapa,
James le a sang gampa John-te a mu hi.
Amaute in a pa uh Zebedee tawh len puahin gunkuang sungah a om uh hi.
Jesu in amaute a sam hi.
22 Amaute in zong gunkuang le a pa uh nusia pah uh a amah a zui uh hi.
Jesu in Cina Damsak
23 Galilee gam sung tengah Jesu pai kawikawi a,
synagogue-te ah thu hilhin,
vantung gam lungdamna thuthak hilh-a,
cina luna khempeuh a damsak hi.
24 Syria gam sung tengah ama thu a kizel hi.
Natna tuamtuam a veite,
a na valvalte,
dawilutte,
sibup natna veite le pumzawte khempeuh Jesu kiangah paipih uh a,
amah in a damsak hi.
25 Galilee gam,
Decapolis af,
Jerusalem,
Judea le Jordan gungal gama mihonte in amah a zui uh hi.