TOPA in Israel Mawhsak
6
1 TOPA thugen ngai un:"Dingin, mualliante tungah na thu uh sung un;
mualneute in na thugen uh za uh hen.
2 Mualliante aw, TOPA mawhsakna za un;
tawntung leitung bulpite aw, ngai un.
Ahang in, TOPA in a mite tawh thu kinei a,
Israel tawh thu kisel dingin a om hi.
3 "Ka mite aw, ken note bang hong cih ka hi hiam?
Bang hong ci lunggimsak ka hi hiam? Hong dawng un.
4 Egypt panin kong paikhiatpih a,
sala na omna gam panun note kong tankhia hi.
Note hong makaih dingin Moses tawh
Aaron le Miriam zong kong sawl hi.
5 Ka mite aw,
Moab kumpipa Balak hong sawmna
le Beor tapa Balaam dawnna phawk un.
TOPA in thumaanin na a sep lam na theih nadingun Sittim pan Gilgal dong
na khualzinna uh mangngilh kei un," a ci hi.
6 TOPA mai-ah bang tawi-in va pai-a
a kitawisang Pasian mai-ah bang tawh va kun ding ka hi hiam?
Ama mai-ah meihal biakna ding kum khat apha
bawngno keng ding ka hi hiam?
7 Tuutal tulkhat, sathau gunpite tulsawm tawh
TOPA lungkim ding ahi hiam?
Ka khialhnate tangin ka ta upapen le
ka kha mawhna tangin ka pumpi gah pia ding ka hi hiam?
8 Mipa aw, amah in a hoih hong lak zo hi.
Tua hi-a TOPA in nang tungah bang hong kal ahi hiam?
Thutangin gamta inla, lainatna it-in, kiniamkhaitin
na Pasian tawh kalsuan khawm in.
Israel-te Khialhna le Dan Thuaksakna
9 Ngai un TOPA in khuapi ah sam a-
nangma min kihtakna in pilna hi -
"Cianggolh le a Bawlpa aa thudon un.
10 A kheltat innkuante aw,
a muhdahhuai thumaan lo-a kingah goute le
hamsiatsa ephah bb cing lo-a na ngahte uh mangngilh nai ding ka hi hiam?
11 Tawi tehna man lo le a gikna man lo ip
a zangte khahkhong lai ding ka hi hiam?
12 Tuanu’ mihaute ngongtat uh hi;
ama mite zuauphuak uh a,
amaute leii in zuauthu vive a gen hi.
13 Tua ahi ciangin na mawhna hangin
hong susia-in kong siatsak ding ka kipan hi.
14 Na ne ding uh a na kham kei ding uh hi;
na gil uh a kial cc veve ding hi.
Na kholkhol ding uh a, bangmah na suahtak kei ding uh hi,
bang hang hiam cih leh na kholte uh namsau ka pia ding hi.
15 Na suan ding uh a, an na la kei ding uh hi;
olive na gawi ding uh a, athau na zangkha kei ding uh hi;
lenggah na suk ding uh a, ahi hangin a zu na dawn kha kei ding uh hi.
16 Omri le Ahab innkuante
ngeina teng na zui uh a,
amaute tang ngeina teng na zui uh hi.
Tua ahi ciangin note, suksiat dingin
kong pia dinga na mite uh kinuihsanin,
minamte in hong linhah ding uh hi," dd a ci hi.