Israel Kisusia Ding
9
1 Biakna-tau gei-a ding Topa ka mu a, amah in:"A bulpi a kilawh theih nadingin
khuampi dawn khensuk in.
Mi khempeuh lutung tusak in;
a si lo sun teng namsau in ka that ding hi.
A suakta a taikhia khat beek
a om kei ding hi.
2 Lei toin hankhuk ca thukpi dong a tawh uh hangin,
tua tak pan ka khutin ka lakhia ding hi.
Vante dongin a kahtoh uh hangin
tua lai pan amaute ka kaikhiasuk veve ding hi.
3 Carmel dawn ah amaute a bukuh hangin
bengin ka man veve ding hi.
Amaute kei hong kihta in tuipi taw ah a buk uh hangin
tua lai-ah amaute tu dingin gulpi ka sawl ding hi.
4 A galte un amaute sal dingin a kaih uh hangin,
tua lai-ah amaute that dingin namsau ka sawl ding hi.
Migitna hi lo, gitlohna tawh
amaute ka encik gige ding hi."
5 Topa, Thahatpen TOPA in
leitung a lawn ciangin tuisuak a,
a sunga om khempeuh thumin
leitung buppi Nile bangin khanga,
tua ciangin Egypt gun bangin kiam a -
6 vantungte ah a kumpi innte db lamin
abul ec leitung ah phuta
tuipi tui samin
lei maitangah a sungpa
ama min TOPA ahi hi.
7 "No Israel-te aw, kei adingin
Cush-te fd tawh kibang hi lo na hi uh hiam?"
TOPA in cikhia hi.
"Keimah in Israel-te Egypt pan,
Philistia-te Caphtor ge pan le
Aram-te Kir panin hong paikhiatpih hi lo ka hi hiam?
8 "Thupipen TOPA mit in
amawh kumpi-gam en gige hi.
Lei maitang panin
ka susia ding hi -
ahi zongin Jacob innkuan
ka susiamang kei ding hi,"
TOPA in cikhia hi.
9 Ahang in, keimah in thu ka pia dinga,
an haihna tawh haih bangin
minamte khempeuh lakah
Israel innkuante ka haih dinga,
ahi zongin a tang khat nangawn leitungah a kia kei ding hi.
10 Ka mite lakah mawh neite,
‘Ei tungah siatna hong tung loin
zong i mukha kei ding hi,’
a cite namsau-in a si ding uh hi.
Israel Angei Bangkik
11 "Tua ni ciangin a puksa
David puanbuk angei ka bangsak kik ding hi.
A kisiatna mun teng ka puah dinga,
a sia teng angei bangin
a kizang thei kik dingin ka lam ding hi.
12 Tua pen, amaute in Edom a baanglaite le
ka min a lo minam khempeuh af a neih theih nading uh ahi hi,"
hih nate a sem ding pa TOPA in cikhia hi.
13 "A nite tung ta hi," TOPA in cikhia a,
"lokhopa in an lapa phadong dinga
lengkung suanpa in lenggah sukpa phadong ding hi.
Mualliante panin lenggahzu thak taakin
mualneute khempeuh panin a luang ding hi.
14 Saltang ka mi Israel-te amau gamah ka puak kik ding hi; bg
amaute in a kisusiasa khuapite puah kik ding uh a, tuate ah a teng ding uh hi.
Amaute in lenggui suanin tuate zu a dawn ding uh hi;
huan bawl ding uh a, amau neihsa singgahte a ne ding uh hi
15 Amaute ka piaksa leitang panin
a kibulkalh ngei nawn lo ding
Israel-te amau leitangah ka suan ding hi,"
TOPA note Pasian in ci hi.