Amos
1
1 Tekoa a tuucingte lakah khat Amos kammal - Judah kumpi-in Uzziah a om hun, Jehoash aa tapa Jeroboam, Israel kumpi a hih hun, zinlin ma kum nih hun lai-a Israel thu tawh kisai a muhna ahi hi.2 Amah in:
"Zion panin TOPA hawk a,
Jerusalem panin kekte a kia hi;
tuucingte lonona mun teng keucip bb a,
Carmel dawn teng keugaw ta hi," a ci hi.
Israel Gamvengte Tungah Thukhenna
3 Hih in TOPA gen ahi hi:
"Damascus-te mawhna thumte thamlo lite hangin
ka thangpaihna ka ip kik kei ding hi.
Bang hang hiam cih leh sik-ha a nei angawina-in
Gilead gawi uh hi.
4 Hazael innkuante tungah mei ka sawl dinga
tua in Ben-Hadad mun muanhuai a hultum ding hi.
5 Damascus kongpi ka sukham ding hi;
Aven cc Kuam a dd kumpipa le
Beth-Eden gam-ukte sik ciangkhut ka susia ding hi.
Aram mite ahileh Kir ah sal a suak ding uh hi,"
TOPA in a ci hi.
6 "Hih in TOPA gen ahi hi:
"Gaza-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh tuanu in
mipi bup manin amaute Edom-te a zuak hi.
7 Gaza kulhte mei-in ka hal dinga,
a mun muanhuaite uh a hultum ding hi.
8 Ashdod kumpipa ee le Ashkelon a ukna
sik ciangkhut tawipa ka susia ding hi.
Philistia-te a sih khit siang dong Ekron tungah
ka hehna khut ka nga ding hi,"
Thupipen TOPA in cikhia hi.
9 Hih in TOPA gen ahi hi:
"Tyre-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh amah in Edom ah mipi bup zuakin
sanggama kimat dinga a thuciamna uh a zui kei hi.
10 Tyre kulhte ah mei ka sawl dinga
a mun muanhuaite a hultum ding hi.
11 Hih in TOPA gen ahi hi:
"Edom-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh amah in a sanggampa namsau tawh delh a,
a khuatuahhuai af mite a husamsak hi;
bang hang hiam cih leh ama hehna dam thei lo a,
ama hehna mei a mit kei hi.
12 Teman ah mei ka sawl dinga,
Bozrah mun muanhuaite a hultum ding hi," a ci hi.
13 Hih in TOPA gen ahi hi:
"Ammon-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh a gamgite uh a khansak theih nadingun
Gilead numei gaaite a kuikham uh hi.
14 Rabbah kulhte mei-in ka hal dinga,
gal kido ni-a gal huging le
huihpi nun ni-a huihpi hual ging lakah
tuanu mun muanhuaite a hultum ding hi.
15 Tuanu’ kumpipa bg a uliante tawh
salin kikaikhawm ding hi,"
TOPA in a ci hi.