12
1 Ephraim huihin kivak hi;sun nilohin nisuahna huih nungdelh a,
zuauthu le ngongtatna behlap hi.
Amah le Assyria in thukimna bawl uh a,
Egypt ah olive thau a khak hi.
2 TOPA in Judah langah mawhsakna khat puak hi;
ama lampite tawh kizui-in Jacob da dan tuaksak ding a,
ama gamtatnasa tawh kizui-in a thuk kik ding hi.
3 Amah in naubu sungah a sanggampa’ khetul man hi;
mi khat bangin Pasian a lai hi.
4 Vansawltak tawh kilai-a, a zo hi;
amah kapin a angvan ding a ngen hi.
Amah’n Bethel ah amah mu-a,
tua lai-ah amah hopih hi -
5 Thahatpen TOPA Pasian
ama min TOPA in kithei hi!
6 Ahi hangin Pasian kiangah note na kihei pelmawh ding uh hi;
itna le thutangin zom unla,
a tawntungin note Pasian ngak un.
7 Sumbukpa in tehna maan lo zang hi;
a maan lo-a sumngah nuamsa hi.
8 Ephraim kiphasak a,
"Ka hau mahmah hi; mihau ka suak zo hi.
Ka hauhnate khempeuh hangin amaute in kei sungah
khialhna lian le mawhna khat peuhpeuh a mu kei ding uh hi," a ci hi.
9 "Keimah in Egypt pan ab note hong paikhiatpih TOPA
note Pasian ka hi hi;
a kisehsa na pawi nite uh mah bangin
note puanbuk ah kong tengsak kik ding hi.
10 Kamsangte hopih in,
mangmuhna tampi ka musak a,
tuate tawnin gentehnate ka gen hi.
11 Gilead gilo ahi hiam?
A mite in man nei lo uh hi!
Gilgal ah amaute in biakna-in bawngtalte a pia uh hiam?
Amau biakna-taute a kikhosa lo sunga
suang kiciang tawh kibang ding hi.
12 Aram bc gamah Jacob tai hi;
Israel in zi thalawhin na sem a,
tuanu man dingin tuu a cing hi.
13 Egypt pan Israel a paikhiatpih to dingin TOPA in kamsang khat zang hi;
kamsang khat zangin amah a kem hi.
14 Ahi hangin Ephraim in amah nasiatakin hehsak hi;
a Topa in a luansak sisan hanga mawhna ama tungah nusiat dinga,
a simmawhna a thuk kik ding hi.