57
1 Thumaante mangthang napi,a lungsima ngaihsun kuamah a om kei hi;
a thutak mite kilamang napi,
siatna panin
a kihemkhia ahilam
kuamah in a tel kei hi.
2 Thutanga kalsuante
lemna ah lut uh a;
a sih uh ciangin khawlna a mu uh hi.
3 "Ahi hangin no numei aisante’ tapate angkawm le kizuakte suan le khakte aw,
hih lai-ah hong pai un!
4 Kua ciamnuih na hi uh hiam?
Kua zahnuihsanin kamka in
kua leiiphensan na hi uh hiam?
Note a lehdote’ tate,
zuauphuakte’ suan le khakte hi lo na hi uh hiam?
5 Tehno kungte lak le singhiang nuai tengah
numei pasal kilunggulhna-in na kangtum uh a;
kuam thukpi sung le suanghawm sungah
na tate uh kithoihna-in na nei uh hi.
6 Kuam sunga suangmaite note tanh milimte ahi hi;
amaute diakdiak no aituam ahi hi.
Hihi, tuate tungah dawntheih biakna na sung in,
an-a biakna na pia uh hi.
Hih nate hangin ka lungsim khiam tuan ding ka hi hiam?
7 Munsangna le mual sangpi ah na lupna na bawl a;
tua lai-a paito in kithoihna na pia hi.
8 Kongkhakte le kongkhak mungte liah ah
na dawibiakna limte na koih hi.
Kei hong nusia-in na lupna na hawkkhia a,
a tungah kahto in zapi-in na hong hi;
a lupna na itte tawh thukimna na bawl a,
amaute guaktang hihna na mitsuan hi.
9 Olive thau kengin Molech aa ah na pai a,
na paknamtuite na kinuh phapha hi.
Na tangmite bb gamlapi ah na sawl a,
hankhuk cc dongah na tuaksuk hi!
10 Na paina lampi teng hangin na gima,
ahi hangin, ‘Lametna bei ta hi’ na ci kei hi.
Na hatna uh na thaksak kik uh a,
tuaci-in na bah kei uh hi.
11 "Kei tunga na khialh nading,
nong mangngilh nading le na lungsim nangawna
nong ngaihsut lohna zah dong dingin
lau a na kihtak kua ahi hiam?
Daitaka sawtveipi ka om manin
kei hong kihta lo hilo na hi hiam?
12 Na thumaanna le na nasepnate kipholaak dinga,
na phattuampih kei ding hi.
13 Huhna ngenin na kiko ciangin
na kaihkhop milimte kihonsak ve!
Tuate khempeuh huih in len khiamang dinga
husan bek in tuate a mutmang ding hi.
Ahi hangin kei hong beel mi-in
leitang luah dinga
ka mual siangtho a nei ding hi.
Lunggimte Hehnepna
14 "Zik un, zik un, lampi sial un!
Ka mite’ lampi a khakte hemkhia un,"
kici ding hi.
15 Ahang in, a sang, a sangpen Pa -
a nungta tawntung ama min siangthopa gen hih ahi hi:
"A sangna le a sianthona munah ka tenga,
ahi hangin lungsim niamte le
lunggimte a lungkhauhsak dingin
a lungsim niamte le a lunggimte tawh ka tengkhawm hi.
16 Mihing huu ka piansaksa hi a -
ka mai-ah mihing lungsim gim ding ahi manin
ka mawhsak suak kei dinga,
ka heh tawntung kei ding hi.
17 Ama huaiham mawhna hangin ka heh lua-a;
amah dan thuaksakin hehin ka lehngatsan hangin,
ama nopsak bangin a gamta veve hi.
18 Ama lampi ka muh khit hangin amah ka damsak ding hi;
amah lam ka hilh dinga hehnem in,
19 a thum Israel-te muk panin phatna ka piangsak ding hi.
Lemna, a nai a gamla-a omte tungah lemna,"
TOPA in ci a, "Amaute ka damsak ding hi," a ci hi.
20 Ahi hangin migilote, khawl hun nei lo,
tuipi kilok tuihual in
nin le buan a laptoh tawh kibang uh hi.
21 "Migilote adingin lungnopna a om kei hi," ka Pasian in a ci hi.