Hezekiah’ Cinatna
38
1 Tua hun laitakin Hezekiah a ci na in a si dektak hi. Amoz tapa kamsangpa Isaiah a kiangah va pai-a, TOPA gen hih ahi hi: Na inn sung omzia ding vaihawm in, bang hang hiam cih leh nang na si ding hi; na dam kik zo nawn kei ding hi;" a va ci hi.2 Hezekiah kawmlam nga-in TOPA tungah thu ngen a, 3 "TOPA aw, na mai-ah muanhuaitakin ka om a, ka lungsim neihzahin nangma tungah kong ki-ap hi; nangma muhna ah a hoih a ka gamtat lam hong phawk in," a ci hi. Tuateh Hezekiah kahcih-takin a kap hi.
4 Tua ciangin Isaiah tungah TOPA thu tunga: 5 "Pai inla Hezekiah kiangah, ‘Hih in TOPA na pa David Pasian gen ahi hi: Na thungetna ka za khin a na khituite ka mu khin hi; na nuntakna kum sawm le nga kisotto hi. 6 Tuateh keimah in Assyria kumpipa khut panin nang le hih khuapi ka hukhia ding hi. Hih khuapi ka humbit ding hi.
7 "‘TOPA in hong ciamsa hong tunsak nading TOPA lim hih ahi hi: 8 Ahaz kahlei tungah a liap suksa niliap kalsawm ka kilek kiksak ding hi,’ ci hi," a ci hi. Tua ciangin a liapsuksa nitang kal sawm a kileh kik hi.
9 Judah kumpipa Hezekiah in a natna a damkik khita a gelh:
10 "Ka thatun laitakin
sihna aa kongpi-ah ka lut kul ta ding hi,
ka kum omlai teng hong kisut ahi ta ve maw?" ka ci hi.
11 "TOPA mu kik nawn lo ding,
a nungtate gamah TOPA mu lo ding;
mihingte en kha nawn lo ding
ahikeh tu-a leitunga bb omte tawh teeng khawm nawn lo ding hi ta’ng ei!" ka ci hi.
12 Tuucingpa puanbuk bangin
ka inn hong kikaihpuksakin hong kilakkhiatsak hi.
Siam gante bangin ka nuntakna ka zialkhia a,
amah in siambu panin kei hong atkhia a,
sun le zanin ka nuntakna a beisak hi.
13 Zingsang phalvak nisuah dong ka ngak keikai hangin
humpinelkai bangin ka guhte sutanin
sun le zanin hong beisak ding na hi hi.
14 Phialphiah ahikeh zangva bangin ka hama,
kawl vakhu bangin ka thum hi.
Vantungte ka etetna-in ka mitte a nguigawp hi.
Ka lungkham hi; Topa aw, kei huh dingin hong pai in!
15 Ahi hangin ken bang genthei ka hi hiam?
Amah in kei hong hopih a, amah in a sem pah hi.
Hingim lua ka hi manin ka mailam hun khempeuh
kiniamkhiatin ka pai ding hi.
16 Topa aw, hici bangin mihing a nungta hi;
ka kha zong tuate lakah a nungta hi.
Nang hong damsak inla
hong nungtasak in.
17 Hici bang lungtawlna ka thuaka
kei adingin metna taktak ahi hi.
Kei hong itin
siatna khuk panin nong kem hi;
ka mawhnate khempeuh
na nungngatsan hi.
18 Ahang in, hankhuk ac in nang hong phat thei lo a;
sihna in nang hong phatna sa thei lo hi;
tua kuakhuk sunga paisukte in
na muanhuaina a lamen thei kei uh hi.
19 A nungtate, a nungtate - bek in
tuni-a kei hih bangin amaute in nang hong phat thei uh hi;
pate in amau tate tungah
na muanhuaina a gen ding uh hi,
20 TOPA in kei hong hon dinga,
i nuntak laiteng
TOPA biakinnpi sungah
khausai tumtheihte in la i sa ding hi.
21 Tua ciangin Isaiah in, "Theinai su inla meimatum nuh lecin a dam ding hi," a ci hi.
22 Hezekiah in, "TOPA biakinnpi-a ka paitoh nading bang lim hi ding hiam?" ci-in a dong khin hi.