Tatkhiatna hanga Lungnopna
35
1 Sehnel-gam le gamgawtak a nuam ding hi;gamsimthamte lungnuamin a palhkhia ding uh hi.
nuam lua mahmah in lungdamin kiko ding uh hi.
Lebanon minthanna kipia dinga,
Carmel le Sharon thupina a kipia ding hi;
amaute in TOPA’ minthanna le
Pasian thupina a mu ding uh hi.
3 A thazaw khutte khauhsak unla,
a zaw khukte kipsak un;
4 A lauthawng mite tungah,
"Kihatsak un, lau kei un;
na Pasian uh hong pai dinga
phula dingin hong kuanin
a siangtho dantuahsakna tawh
note hong hon ding hi," ci un.
5 Tua ciangin mittawte mit kihonsak dinga
bengngongte’ bil a kivaksak ding hi.
6 Tua ciangin khebaite sazuk bangin diang ding uh a,
a pau thei lote lungdamin a awng ding uh hi.
Gamsimtham ah tui phulkhia dinga
sehnel-gam ah lui a luang ding hi.
7 A sa mahmah sehnel, bualtui suak dinga,
leigawtakte ciktui phulna a suak ding hi.
Khatvei lai-a ngiate lupna munah
lopa, pumpeng le mau a po ding hi.
8 Tua lai-ah lam lianpi om dinga,
Sianthona lampi a kici ding hi.
A sianglo mite in tua aa tung tawn lo ding uh a;
tua Lampi tawnte ading tua bang ahi ding hi;
a tatsia mihaite in tua tung a tawn kei ding uh hi.
9 Tua lai-ah humpinelkai om loin,
tua tungah sasialne ganhing khatpeuh a pai kei ding hi;
tua munah tuate a kimu kei ding hi.
Ahi hangin tatsate bek tua lai-ah pai ding uh a,
10 TOPA in tatman a piaksate hong ciah kik ding uh hi.
Amaute lasa kawmin Zion ah a lut ding uh hi;
amaute lutungah a tawntungin lungnopna khu ding uh hi.
Nopsakna le kipahna tawh kidim ding uh a,
dahna le khuisatna beimang ding hi.