Kumpi Lemuel Thugente
31
1 Kumpi Lemuel thugente - a nu hilhsa thusuak da khat in:2 "Ka tapa aw, ka sunga piang ka tapa aw,
ka kiciamna eb tapa aw,
3 na thahatna numeite tungah zang kei inla,
kumpipa susia nuampa tungah na thatang pia kei in.
4 "Lemuel aw, kumpite hih dinga kilawm lote -
kumpite in zu dawn loin, gam-ukte in
zucil lunggulh lua kei hen,
5 dawn le uh thukham’ thukipte mangngilhin,
a kinuainette hamphatna khempeuh tansak kha ding uh hi.
6 A si dekdekte zucil pia inla
a lunggimte zu pia in;
7 dawn uh henla a zawn lam uh mangngilh in,
a gentheihna uh phawk nawn kei uh hen.
8 "Amau thu a gen thei lote tangin gensak inla,
neih a nei lote hamphat nadingin pang in.
9 A kilawm a kituakin kampau-in thu khen in;
azawngte le a tasamte hamphatna gupsak in," a ci hi.
Khupna: A Nampi Gamtat Zi
10 fc A nampi gamtat zi kua in mu zo hiam?
Ruby suang sangin manphazaw tham hi.
11 A pasal in muang mahmah a,
a manpha bangmah a tasam kei hi.
12 Amah in a pasal tungah a nuntak sungteng
siatna tun loin thuhoih a tun hi.
13 Amah in samul le khau teelin
lawptakin na sem hi.
14 Amah sumbawl tembaw tawh kibang a,
gamlapi panin an a pua hi.
15 Amah khuamial lai pi-in tho a,
a innkuanpihte ading an bawlin
a nasem numeite sep ding teng a hawmsak hi.
16 Amah’n lo hoih zongin lei-a;
ama thalawhsa-in lenggui a suan hi.
17 Nasep hahkat mahmah a,
a nasepna adingin a bante khauh hi.
18 A sumbawlna met sa a,
zanin a meivak a mit kei hi.
19 A khutin mui tawi-a,
a khutmete in muikung a len hi.
20 Mizawngte huai-in a tasamte a zam hi.
21 A innkuanbup puansan guan zo ahi manin
vuk a kiat hangin a innkuante ading a lunghimawh kei hi.
22 A lupna tuam ding bawl-a;
saihadial puan hoih le puan dupsante a silh hi.
23 Khuapi kongpi a gamsung upate lakah
a pasal a tut ciangin kizahtak hi.
24 Amah in saihadial puante khui-in zuaka,
sumbukte tungah puan kawnggakte puak den hi.
25 Amah thahatin zahtakbaang a;
mailam hun ding a nuihsan lel hi.
26 Amah pil kampau-a
a muanhuai lamlahna a gen hi.
27 Amah in a innkuan sung vana,
zawntatna an a ne kei hi.
28 A tate tho-in, ama tungah thupha ci uh a;
a pasal in zong tuamah ci-in:
29 "Numei tampi in na thupite sem taleh
tuate khempeuh na khup hi," ci-in a phat hi.
30 Ngaihbaanna in hong khem thei a, mel hoihna lah mual pah hi;
TOPA kihta numei ahileh phat ding ahi hi.
31 A thalawhsa pahtakman pia unla,
ama sepsa hangin khuapi kongpi ah amah kipahtawi hen.