26
1 Nipi lai-a vuk kia le an lak huna guahzu banginmihaite pahtawi a kilawm kei hi.
2 Kawlgit patau le phialphiah kawilen bangin
a thu om lopi-a hamsiat tangtung lo hi.
3 Sakol sat kul a, laa kamkaih kulin,
mihai nungzang adingin ciangduai a kul hi.
4 Mihaite amau haina tawh kizui-in dawng kei in,
na dawn leh amah tawh kibang na suak ding hi.
5 Mihai ama haina bangin dawng lecin
ama’ mit ah pil kisa kha ding hi.
6 Kamtai dinga mihai khat sawlna in a sawlpa khe a kitansak ahikeh
ngongtatna tui dawna dawn tawh kibang hi.
7 Mihaite paunak gen in
khebaipa khebaina lam tawh kibang hi.
8 Mihai khat pahtawi in sailung khau a
sailungtang hen tawh kibang hi.
9 Mihaite paunak gen le
zukhampa khuta ling om kibang hi.
10 Mihai khat ahikeh a tuahpeuh tha a cial mi,
a banliamsak thal tawipa tawh kibang hi.
11 Ui in a luak a nek kik bangin
mihai in a haina a hih kik hi.
12 Amah pil a kisa mi na mu hiam?
amah sangin mihai adingin lametna om zaw hi.
13 Mi zongzaw in, "Lampi ah humpi om kong lakah
humpi gilo kawivak!" ci hi.
14 Kawmhek tungah kongkhak a kihei bangin,
a lupna tungah zongzawpa a kiheihei hi.
15 Mi zongzaw in ankuang sawkin;
a kam a tut ding a tha dah lua hi.
16 Limtaka dawng thei mi sagih sangin
mi zongzawpa amah pil kisazaw hi.
17 Mi kitawng tuaka a va kikausiphumpa
ui a bila manpa tawh kibang hi.
18 Singkhuah-am le sihtheihna
thaltang a mawk lot mihaipa le
19 a vengte khem a, "Ka ciamnuihna hi lel e,"
a ci pa kibang hi.
20 Singkhuah loin mei mit a,
gensiatna om kei leh kitotna dai hi.
21 Meihol in mei amsak a, singkhuah in
mei a kuansak bangin kitot hat mi in, kiselna phuang hi.
22 Gensiatna kamte an limpen tawh kibang a,
mihing sungtawng ah tumsuk hi.
23 Lungsim gilo napi kam zol daldalte
cim aa-a kizut leibeel bang ahi hi.
24 A lungsim siate a kamin kiphelh a,
a lungsim, khemna tawh a dim hi.
25 A kam a khum hangin um kei in;
a lungsim ah kihhuaina sagih a dim hi.
26 Ama lungsim sia khemna tawh a kisel zawh hangin
ama gitlohna, mipi mai-ah a kipholak ding hi.
27 Mi khat in gum a tawh leh tua sungah amah kia dinga,
suangtum a khuk leh tua suangtum in amah kha kik ding hi.
28 A zuauthei leii in amah liamsakte mudah a;
maitang phat kam in mi a siasak hi.