18
1 A tangtat mite a huaiham hi-a,mantaka kikhensa thu a tokbuai hi.
2 Mihai in theihtelna nuamsa lo a,
ama ngaihsut bek gen leh nuam sa hi.
3 Gitlohna hong tun ciangin simmawhna in zui-a,
maizumna hong tun ciangin mindaina in zui hi.
4 Mihing kampaute tui thukpi hi-a,
pilna khuk ahileh lui luanglai ahi hi.
5 Migilote guptuam hoih lo a,
mawhpengte thutang taansak zong hoih lo hi.
6 Mihai muk in kitotna tun a,
a kam in sat thuaksak hi.
7 Mihai kam ama siatna hi-a,
a hinna adingin a mukte thang ahi hi.
8 Mi gensiate kampau an lim mahmah tawh kibang a,
mihing sungtawng ah tumsuk pah hi.
9 A nasep sem nuamlopa,
a susiapa sanggam ahi hi.
10 TOPA’ min pen tausang muanhuai hi-a;
thumaante in beelin galmuang uh hi.
11 Mihaute hauhna amau kulh muanhuai nei khuapi hi-a;
kuama kal zawh loh kulhin ngaihsun uh hi.
12 Mihing lungsim kisiat ma-in kiphatsakna masa a,
pahtawina ma-in kiniamkhiatna masa hi.
13 Ngai nai lopi-a dawng kik pa
ama haina le maizumna ahi hi.
14 Mihing lungsim in a cinatna thuak zo napi,
lungsim kitamzan kua in thuak zo ding hiam?
15 Thu theikak mi lungsim in theihna ngah a;
mipilte bil in theihna a zongkhia hi.
16 Letsong in a piapa lampi hong a,
miliante kiang a tun hi.
17 A thulangpa mai pai-in a kidot masiah
thu sung masa pen amaan tawh kibang hi.
18 Ai teelna in kitotna vengsak a,
kilangneih-luatnate beisak hi.
19 Kulha ki-um khuapi lak sangin sanggam kinuak lep haksazaw a,
a kitotnate uh a kikalhcip khuapi kongkhakte tawh kibang hi.
20 Mi, ama kampau gah panin gilvah a;
a muka a genna panin a tai hi.
21 Leii in nuntakna le sihna vang nei a,
a leii it mi in a leii gah ne ding hi.
22 Zi a mu mi, na hoih mu hi-a,
TOPA’ angvanna ngah ahi hi.
23 Mizawngte in lainat nadingin thum uh a,
mihaupa in kamkhauhin a dawng hi.
24 Kithuahpih tampi a neite kisia thei a,
ahi hangin sanggam sangin a kicianzaw lawm a om hi.