40
1 TOPA in Job kiangah:2 "Thahatpenpa a mawhsak mipa in amah bawlpha ding ahi hiam?
Pasian mawhsakpa in amah dawng hen!" a ci hi.
3 Tua ciangin Job in TOPA dawng a:
4 "Ka cin zo kei hi - bang hong ci dawn thei ding ka hi hiam?
Ka kam ka hucip ding hi.
5 Khatvei ka pau khin a, dawn nading om lopi ahi hi -
nihvei ka pau hangin bangmah ka gen nawn kei ding hi," a ci hi.
6 Tua ciangin huihpi lakah TOPA in Job dawng a:
7 "Kipasalsak inla, na kawng gak in;
thu kong dong dinga
nong dawng ding hi.
8 "Ka thutan’na bangmah lo suaksak na hi hiam?
Nang a thutang na kisuahsak nadingin kei hong mawhpaih na hi hiam?
9 Nang in Pasian’ ban bang ban nei in,
ama aa bangin na aw in van gingsak thei ahi hiam?
10 Tua ahileh minthanna le thupina tawh nang le nang kizem inla,
pahtawina le zahtakna kisilhsak dih in.
11 Na thangpaihna suahkhia inla
a kiphasakte enin niamkhiat gawp dih in,
12 A kiphasak peuhmah en inla, amah niamkhiatin
a gilote a dinna munah tuancil dih in.
13 Amaute leivui tawh vuikhawm inla;
hankhuk ah a mai uh vukcip in.
14 Tua ciangin na khut taklam in
nang hong hon zo hi, ci-in ka taksang ding hi.
15 "Bawngtal banga lopa a ne
nang tawh kong bawlkhawm
behemoth aa ngaihsun dih in.
16 A kawngguh ah bang hatna nei-in
a gilpi ah bang sagolh vangliatna nei ahi hiam?
17 Taamtak bangin a mei bb pek a,
a phei sagolhte gaktakin kiphan hi.
18 A guhte sumngo sungvang banga,
akhut akhete siktawn bang hi.
19 Pasian sepsate lakah a tuam pian pen hi napi
amah a bawlpa in, a namsau-in a zo hi.
20 Mualte in amau pana piangte amah puak a,
gamsate khempeuh a kiangah kimawl uh hi.
21 Tui-unok kung nuai-ah lum a,
nawng sung pumpeng lakah a bu hi.
22 Tui-unok kungte in a liim in sel a,
lui gei-a gialhek kungte in umcih hi.
23 Tui a khangawp hangin a patau kei hi.
Jordan khang in a kam ciang nawk ta leh ngaihmuang lai hi.
24 Kua in a sikkawi-in cc man zo a,
thang siahin a nak pheh zo ding ahi hiam?