Solomon in Ama Kumpi-inn Lam
7
1 Ahi zongin Solomon in a kumpi-inn lam a zawh siang nadingin kum sawm le thum a beisak hi. 2 Amah in Lebanon Tulak Kumpi-inn lama a dung tong zakhat, a vai sawmnga a sanna sawmthum ea hi a, tamtak khuam gual lite in a kinawtngil tamtak zawlpite a pua hi. 3 Gual khatah sawm le nga a om khuampi sawmli le nga tungah kilam inndei tungsan teng tamtak singa kitungkhuh ahi hi. 4 A tawhlette a sangpi ah thumthumin ki-omsak a, khat le khat kigalsai dimdiam hi. 5 Kongkhak khempeuh in sikli nei kongmung nei a; a mailam ah omin thumthumin a kigalsai fb dimdiam hi.6 Amah in tong sawmnga sau tong sawmthum zai gc talaap khat a lam hi. A mai-ah khuampite a nei laapkaih khat bawla, tungkhuh a neisak hi.
7 Amah in a kumpi tokhom omna thukhen nading Thutang Inndeipi khat lama, a sual panin inntung-dap hd dong tamtak singin a tuam hi. 8 Ama ten nading kumpi inn a lamzia kibangin a nunglam a gamla sim ah a lam hi. Solomon in a zi dinga a lak Pharaoh tanu adingin hih innpi tawh a kibang khat a lam hi.
9 Hihte kilamzia khempeuh, apua lam tual a kipan tual lianpi dong le a inn bulpi pan a khum dong suang hoih mahmah a kikim a ki-at asung apua a atna a kinawtngil vive ahi hi. 10 A bulpite suang hoih mahmah a lianpipi hi-a, pawlkhat tong sawm ie, pawlkhat tong giat jf a pha hi. 11 A tunglam ah a kikim a ki-attan suang hoih le tamtak zawl kizang ahi hi. 12 A tual lianpipen suang seksa gual thum teh tamtak zawl nawtngilsa gual khata ki-umsuak hi a; TOPA biakinnpi tual le a mai lapkaih zong tua banga kibawl ahi hi.
Biakinnpi Kizepnate
13 Kumpi Solomon in Tyre a Huram kg a samsak hi; 14 ama nu meigong hi a, Naphtali beh hi-in, a pa Tyre mi sumngo nasep khutsiam khat ahi hi. Huram pen sumngo nasep peuhmah siam pha mahmah a, a sep zawh zong sawtpi ahi hi. Kumpi Solomon kiangah amah pai-a a kisawl khempeuh a sem hi.
15 Amah in sumngo khuampi nih sunga, tong sawm le giat sangin a pum kimkot ah tong sawm le nih a pha ciat hi. 16 Amah in khuampi dawna bulh ding khuam luzepna sumngo nih sunga tua khuam luzepna tong nga bi tuak a pha hi. 17 A khuam luzepna tungah a kuala khai ding a kihuihek-a kiphan khainiang bawla, khuam luzepna khat adingin sagih ta ahi hi. 18 A khuampite cj dawna khuam luzepna dingin mang kawlsinggah bawl-a a kiphante khat ciangin gual nih dk a umsak hi. Khuam luzepna a kibangin a bawl hi. 19 A laapkaih a khuampi ludawn zepnate unok pak bangin bawla tong el li a sang hi. 20 Khuampite ludawn zepna tung tuakah a kiphante zomin kuangkum limte zomsak a, tua banah a kimkotah mang kawlsing gah zanih a gual hi. 21 Amah in khuampite biakinnpi mai laapkaih ah a phut hi. Leitaw lama khuampi Jakin fm ci a, leilu lama pen Boaz gn a ci hi. 22 A dawna khuam luzepna unok pak tawh kibang hi. Tua bangin khuampite a mansiang hi.
23 Amah in daal sungin Tuipi bawl a, a bemsak hi; a gei khat pan a gei khat tong sawm ho pha a, tong nga a sang hi. A gei kimkot tong sawmthum ip a pha hi. 24 A geivial nuai-ah umgah-in umcihsak a - tong khat ah sawmta a om hi. Umgahte gual nih pha-a a Tuipi tawh a sunkhawm pah ahi hi.
25 Bawngtal sawm le nih tungah Tuipi kitunga, thum leilu-lam nga in, thum nitumna-lam nga a, thum leitaw-lam nga-in thum nisuahna-lam a nga hi. Tuate tungah Tuipi kinga a, a laizang lam nungngat dimdiam uh hi. 26 A sahna zapeek jq cia hi-a, a geivial hai geivial tawh kibangin unok pakpalh tawh kibang hi. A sungah tambong tul nih kr a ta hi.
27 Amah in a kikhin thei sumngo dinna sawm bawla, tong li sau in tong li zai-a, tong thum ls a sang ciat hi. 28 A dinna bawlzia hih bang ahi hi: Tuate in a pang ah khawk nei-a, a tung lamin kibulh hi. 29 A khawk dingtote a kikalah humpinelkaite, bawngtalte le cherub-te lim a tuang a - tuate a tung lam te ah zong a om uh hi; humpinelkai le bawngtalte tung le nuai-ah seka kiseek pakkual lim a om hi. 30 A dinna khat in sumngo pei li le peizawl te nei-a, apang kim ah pakkual lim kisung tuikuang khat omna, nanna li a nei ciat hi. 31 A dinna sunglam ah a bemin tong khat mt thuk avang khat a om hi. Avang bemna tong khat le alang nu ahi hi. Avang gei kimkot kikhuak hi. A dinna khawkte ahileh bem loin kiu li a nei hi. 32 A khawkte nuai-ah a peite om-a a peizawlte a dinna ah a kibelhcip hi. A peite khat a zaina tong khat le alang ahi hi. 33 A peite sakolleng pei banga kibawl hi a; a peizawl, a peikual, a peikal le a pei vangdapte daal kisung vive ahi hi.
34 A dinna khat in letna li nei-a a kiu ciat panin a mengkhia hi. 35 A tunna dawn ah tong lang ov a thuk vialbem khat a om hi. A dinna dawn ah a nanna le a khawkte a kibelhcip ahi hi. 36 Amah in a nannate mai le a khawk tungah cherub-te, humpi-nelkaite, le nisuh kung limte suai kuak a, a kimkota a awnna mun ah pakkual lim a suai hi. 37 Hih in a dinna sawmte a bawlzia ahi hi. Tuate khempeuh a kibanga kisung hi-a, a phacia le a pianzia kibang kim hi.
38 Tua ciangin amah in sumngo tuikuang sawm bawla, a sungah tambong sawmli pw ta-in, a gei zaina tong li hi-a, a tunna khat tungah kuangpi khatta a kitung hi. 39 Amah in biakinnpi leitaw-lam ah tuikuangpi tunna nga koih a, leilu-lam ah nga a koih hi. Amah in biakinnpi leitaw-lam pang, nisuahna-lam kiu ah Tuipi a koih hi. 40 Amah in tuikuangpite, vutluahnate le tuithehna kuangte zong a bawl hi.
Tua bangin Huram in Kumpi Solomon adingin TOPA biakinnpi sunga sep ding teng a mansiang hi:
41 khuampi nihte;
khuampi nih dawna kuang tawh a kibang khuam lubawk nih;
khuampi nih dawna kuang tawh a kibang a lubawk zepna a kiphan nihte;
42 a kiphan nihte ading mangkawlsing gah zali (khuampite dawna kuangkum tawh a kibang a kiphan zepna ading mangkawlsing gah gual nih);
43 tui kuangpi sawm le a dinna sawm;
44 Tuipi le a nuai-a a dinna bawngtal sawm le nihte;
45 beelte, vutluahnate le tuithehna kuang-ukte ahi hi.
TOPA biakinnpi ah vanzat dingin Huram in Kumpi Solomon adinga a bawl hih vanzatte khempeuh sumngo nawtngil vive ahi hi. 46 Kumpipa in Jordan zanglei a Succoth le Zarethan kikal a beellei omna ah tuate a sungsak hi. 47 Hih nate gikna tam lua mahmah ahi manin Solomon in a teh vet kei hi; sumngo gikna kiseh thei vet lo hi.
48 Solomon in TOPA biakinnpi sunga vanzatte khempeuh zong a bawl hi:
kham biakna-tau;
Ompihna anlum luina kham sabuai;
49 kham citak meivak tunna (mun siangtho sungnung mai a taklam ah nga, a veilam ah nga);
khama kibawl pakte, meivak le taitehte;
50 kham citak tawh kibawl kuangte, meivak khau tehtanna, thehna kuang-ukte, kuangte le gimnamtui veinate;
le Mun Siangtho Pen ahi inndei sungnung pena kong khakpi le biakinnpi kongkhakpi ading kham kawmhekte zong a bawl hi.
51 Kumpi Solomon in TOPA biakinnpi-a nasep ding khempeuh a man ciangin a pa David in a apsa ngun le kham vanzatte khempeuh a sungah tum a TOPA biakinnpi gou kholna sungah tuate a koih hi.