Samuel in Saul Tai
13
1 Saul kumpi a suahin kum sawmthum ea pha a, Israel-te kum sawmli fb le kum nih sung a uk hi.2 Saul ac in Israel panin mi tul thum teel a: Micmash le Bethel mualtung gamah amah tawh tulnih omkhawm in, Benjamin-a Gibeah ah Jonathan tawh tulkhat a omsak hi. Tua loteng amau inn ciatah a ciahsak hi.
3 Jonathan in Geba a Philistia-te galvilna sim-a tua thu Philistia-te in a za uh hi. Tua ciangin Saul in gamsung khempeuhah pengkul mutsakin, "Hebrew-te zasak un," a ci hi. 4 Tua ciangin Israel khempeuh in: "Saul in Philistia-te galvilna sim-a tu-in Philistia-te langah Israel om ta hi," cih thuthak a za uh hi. Tuateh Gilgal a om Saul pawm dingin mite a kisam uh hi.
5 Israel sim dingin Philistia-te sakolleng tul thum bd sakolleng hawl tul guk le tuipi gei-a sehnel zaha tam galkap tawh a kithawi uh hi. Amaute kuan to uh a, Beth Aven nisuahna lama Micmash ah giahphual a sat uh hi. 6 Israel mite in amau dinmun lauhuai-in amau galkapte a kinehcih lam a muh uh ciangin suanghawm le sawlkawm suangtum lak dum sung le tuikhuk sungah a bu uh hi. 7 Hebrew-te pawlkhat Jordan gal nangawn ah kahin Gad le Gilead gamah a pai uh hi. Gilgal ah Saul omlai-a ama ompih galkapte lau-in a ling uh hi. 8 Amah in Samuel ciangtansa ni sagih sung ngaka; ahi hangin Gilgal ah Samuel a pai kei hi; tuateh Saul mite kithehthang dingin a kithawi uh hi. 9 Tua ciangin "Meihal biakna le kilawmtakna biaknate ce kei hong puak un," a ci hi. Tuateh Saul in meihal biakna a pia hi. 10 Biakna a man khit lianin Samuel tunga, a muak dingin Saul a paikhia hi.
11 Samuel in, "Bang hih na hi hiam?" ci-in a dong hi.
Saul in, "Philistia-te Micmash ah kikhawm uh a, mite kithehthangin nang lah na cih hunin nong tun loh ciangin, 12 ‘Tu-in Philistia-te kei hong sim dingin Gilgal ah hong kuansuk dinga ke’n lah TOPA angvanna ka ngen nai kei hi,’ ci-in ka ngaihsun hi. Tua ciangin meihal biakna pia loin ka om thei kei hi," ci-in a dawng hi.
13 Samuel in, "Na haitat khin hi; TOPA na Pasian hong thupiak na zui kei hi; zui lecin Israel tungah na kumpi-gam a kip tawntung ding hi. 14 Ahi hangin tu-in na kumpi-gam a kip den kei ding hi; TOPA thupiak zui lo na hi manin TOPA in ama lungsim a tuak mi khat zongkhia-in ama mite makai dingin a seh khin hi," a ci hi.
15 Tua ciangin Samuel in Gilgal df nusia in Benjamin-a Gibeah ah a pai to hi; tuateh Saul in a ompih mite a sim hi. Amaute zaguk khawng a pha lai bek uh hi.
Israel in Galhiam Neilo
16 Philistia-te in Micmash ah giahphual a sat laitakun, Saul le a tapa Jonathan le amau ompihte Benjamin-a Gibeah eg ah a om uh hi. 17 Philistia-te giahphual panin galguk pawl thumin a kuankhia uh hi. Pawlkhat Shual gamnawl Ophrah lamah kuan uh a, 18 pawlkhat in Beth Haron manawhin a thumnate in sehnel-gam maingata om Zeboim Kuam kimuhsukna gamgi lamah a pai uh hi.
19 Philistia-te in, "Hebrew-te namsau le teipi seeksak kei un!" ci uh ahi manin Israel gambup ah sikseek khat beek a kimu kei hi. 20 Tua ciangin Israel khempeuh Philistia-te kiangah tuzumte, tupeekte, heite le phiaukawite fh sekhiam dingin a paisuk uh hi. 21 Tuzum le tupeek sekhiam man shekel gi sehthum suah sehnih hi-a, longkhawl le hei sekhiam man le ganciang zumsak kik man shekel hj sehthum suah seh khat ahi hi.
22 Tua hi-a, gal kido ni-in Saul le Jonathan ompih galkapte in a khut sunguah namsau le teipi a nei kei uh hi; Saul le a tapa Jonathan bekin tuate a nei uh hi.
Jonathan in Philistia-te Sim
23 Tu-in Philistia-te pawl tawmno khat Micmash ciangka ah a pai uh hi.