1 Samuel
Thupatna
1 Samuel laibu ah Samuel le Saul nuntakzia le David nuntakzia tampi kiciamteh hi. Samuel masa ah Samuel suahna le biakinnpi-a a kipattahzia tawh kipan hi. Tuateh kamsang, siampi le thukhen khat a hihna tawh Israel bangci makaih cih zong gen hi.
Israel mite in kumpi a nget uh ciangin Samuel in Pasian makaihna tawh Israel kumpi masa-in Saul sathau nilh hi. Ahi hangin Saul in Pasian thu mang lo-a kumpi a sep ding Pasian in nial hi. Tuateh Samuel in Saul zalaih dingin David sathau nilh sim hi. Tua bansiah hih laibu sungah Saul le David kigalneihna vive ahi hi. Hih mite thuman’lohna tampi i muh theih hangin amaute hoihna le Pasian thu a man’na uh kilimgen hi. Hih Israel’ tangthu hun sungin Israel-te in makai dingin thukhente a neihna panun a gamvengte neih bangin kumpi in laih uh hi. Hih hun lai-in Samuel kamsang, siampi le thukhen hihna kilimgenna tungtawnin a mite thuzawhna nakpi-in nei hi.
Athute genkholhna
Eli siampi le thukhen hihna (1:1-4:22)
Samuel Israel makai hihna (5:1-8:22)
Saul Israel kumpi masa (9:1-15:35)
David le Saul (16:1-30:31)
Saul sihna (31:1-13)