ཡོ་ཧཱ་ནན་ནེ་ ཆག་འབྲི་ ཉི་སྤ་།
ཡོ་ཧཱ་ནན་ནེ་ ཆག་འབྲི་ ཉི་སྤེ་ ཧོར་།
འི་ ཆག་འབྲི་ འབྲི་ ཚུལ་འབོ་ ཡོ་ཧཱ་ནན་ནེ་ འབྲི་ཛེད་ཀ་ནེ་ ནེ་ཚུལ་ རྡང་, ཡོ་ཧཱ་ནན་ནེ་ ཆག་འབྲི་ ཏང་པོ་ ཉམ་པོ་ ཐུན་ཅེ་ ཡང་, ངུལ་མེ་ ཆོའེ་ཚོག་རྒེ་ འུ་རྐྱོང་རྒུ་ནི་ སྤང་པོ་ ཏང་ཅེ་རྒུ་ནི་, འི་ ཆག་འབྲི་ ཙོབོ་ ཡི་ཤུའི་ ཧུ་ཚབ་ ཡོ་ཧཱ་ནན་ནེ་ འབྲི་ཛེད་ཀན་འབོ་ ཨ་ཧོ་རྒུན་ལ་ ཧ་ཀོ་ནོག་།
ཆོའེ་ན་ ཁེ་སྤ་རྒུ་ནི་ ཨ་ཧོ་རྒུན་ལ་ འི་ ཆག་འབྲི་རྦོ་ ཡོ་ཧཱ་ནན་ནེ་ ཆག་འབྲི་ ཏང་པེ་ ལྟིང་འགྲྃ་ནེ་ འབྲི་ཛེད་ཀན་འབོ་ རྒྱུའི་ ཆ་ནོག་, ཀའོ་ ཡི་ཤུ་ ཀྲོྃ་རྡེ་ སོན་པོ་ ཞང་ཏེ་ ལྟིང་ནི་ ལོ་ ངཔ་ཅུ་ང་ཉི་ནི་ ཀྲུག་ཅུ་རག་ཉི་ རྡེ་ ཉེ་ཁོར་ལ་ འིན་འབེན་།
འགོ་ཟུག་ནི་ ཆོའེ་ཆོག་རྒེ་ ཆོའེ་ཤེད་ཀན་རྒུན་ ཡུལ་ཅིག་ནི་ཡུལ་ ཉི་སྤེ་ན་ པེ་ལ་ འགྲུལ་རྡེ་ ནེ་ཚུལ་ ཟང་པོ་ ཤེད་ཀག་། འི་ཟུག་ལ་ ཆ་རྒྱ་ལ་ ཏེཏ་པ་ཅན་རྒུ་ནི་ ཁང་པ་ སོང་འབེན་། ཏེ་ནི་ ཏེཏ་པ་ཅན་རྒུན་ལ་ ཡུ་རྒུན་ ཙོག་སེ་ ཏོ་རྒུན་ལ་ རང་ངེ་ ཁང་པེ་ན་ འདེད་ཅེ་ལ་ ཀྲལ་འགྲིག་ ཅོའེ་། ཟུའི་མེ་ ལབ་ཀན་རྒུན་ལ་ འེ་རྒ་ཚུལ་རྦོ་ ལེན་མོ་ རྐྱུའི་།
ཡོ་ཧཱ་ནན་ནེ་ འི་ ཆག་འབྲི་རྦོ་, ཆོའེ་ཚོག་རྒེ་ན་ ཀོན་འཇོག་རྒེ་ འདམ་མེ་ ཛེད་ཀ་ནེ་ པོ་མོ་ རྡང་ ཁོའེ་ ཕྲུ་རྒུ་རྒུན་ལ་ འབྲི་ཛེད་ཏེ་ ནོག་།
ཡོ་ཧཱ་ནན་ནེ་ འི་ ཆག་འབྲི་ ཆུང་ཙེ་ འབྲི་ཅེ་ རྒྱུ་ཚན་འབོ་, སིལ་ཧན་རྒུན་ལ་ ཁོང་ངེ་ ཏེཏ་པེ་ན་ ཤུག་ཤེན་ འགྱུར་ཤེ་ ཡང་ མ་ཤི་ཀེ་ ཧོར་ལ་ ཟུའི་མེ་ ལབ་ཞ་ ཏང་ཀན་རྒུ་ནི་ སྤང་པུད་ཅེ་ འིན་འབེན་༎