Israel nesaladi, ‘Allah er si eremkamep’ tenen, Yerusalem mutu welerbarami taruda, amut perami.
134
Nun nai bo Allah, er si Yahweh, er amutara kurumudi, er si eremna ati pumbon pel dorum neng yumadi, Allah Yahweh tep, “Nun nai, kanda pio teleppu kurume,” pepra er si pio eremkamrume.Ada, lukunda neitamai dinin, Allah er si eremna ati pumbon, Allah tep telep keca karepra, er tep gispal dorum deiyo neng yumadi, Allah Yahweh tep, “Nun nai, kanda pio teleppu kurume,” pepra er si pio eremkamrume.
2 Allah er si eremna ati damai, Israel nesala yumadi, ‘Er si eremkamep’ tenen, bulupra yakanupaida, er si eremna ati pel dona deiyo neng yumadi, nun nai Allah Yahweh tep, “Uo, nun nai, kanda pio teleppu kurume,” pepra, er si pio eremkamrume.
3 Nun nai Allah, er si Yahwehdi, ware keca do yuma, im deiki kure keca yuma cap, tuai mutu neitamai kure keca yuma capda, er dipapu ketekepra deiamnge deiyo ngebo kurure. Allah Yahwehdi, er si eremenge nesala yuma tep, ‘Telep kupra deipseredi, pio teleppu kunkamrum’ tenen, Allah moronkamepe. Ada er si deiamu mutu, ila mambul mutu si, Siona mutu neitamai di, ‘Pio telep kweipkamser’ tenen, Allah moronupe.