Esra
Esradi peramu upu
Abuku sida, Esra sekmepu dinin, yuk Alkitab neitamaida, abuku si tep, huruf ‘Ezra’ sengnunge. Upu penada utotopu. Dinino, Ketengban nesaladi, huruf ‘z’ epmengedi, ‘Ware kupra peptepe do?’ tenen, ‘Upu penada, iriwarye kupnung’ tenena tep, nundi huruf ‘s’ angepu sekmupke. Dinino, angebo tenpua.
Pumun taruda, Persia mutu nesaladi, Israel nesala yuma popbisipi taruda, nimi weik poptamami dinin, ton tara nengda, nimi weik tomopra, ateng kouprapidi, ka tamupra sun pe mutu, Persia mutu dubenami. Ada, ‘Israel nesaladi, nun ikin pel tali donkamseng’ tenen, ikin pel dimamipa, Israel nesaladi sun pel dorami. Amenda taruda, Persia mutu ila deiyo ngebo, er si Kores, erdi, Israel yala nesala taleamu dinin, erdi, “Telepe, ukutaru sun mutu sisa tamupra betume. Sun dabeso,” pepra, Israel nesala loptapu.
Upepka tep, Israel nesaladi Persia mutu neitamai di tapra, gonga keprapidi, Yudea mutu tamupra benami. Ataru neitamaida, Allah er gispal dona tep, gam keca popra karena deiyo ngebo, er si Esra, er cap kikiman, tamupra Yudea tara bei. Esradi abuku seku.