Dayigǝ tɔnɔ kʋlʋ
PƖYƐƐRƖ
na pʋpʋnɩ tɩn
Dayigǝ tɔnɔ kʋlʋ Pɩyɛɛrɩ na pʋpʋnɩ tɩn na brɩ dɩbam kʋlʋ tɩn mʋ tɩntʋ
Pɩyɛɛrɩ dɛɛn pʋpʋnɩ tɔnɔ kʋntʋ o pa Wɛ nɔɔna balʋ na jagɩ ba wʋ Azi-balaŋa nɩ tɩn mʋ. Kʋ waɩ kʋ yɩ Pooli naa balʋ na tɔgɩ dɩd-o ba tʋŋɩ tɩn mʋ brɩ-ba Wɛ kwǝrǝ kam. Ba ma na yaara ba na kɩ ba wʋ-dɩdʋa dɩ Zezi tɩn ŋwaanɩ.
Pɩyɛɛrɩ nan pʋpʋnɩ sɩ o pa ba na baarɩ mʋ Zezi cwǝŋǝ kam wʋnɩ, sɩ ba zɩgɩ kǝŋkǝŋ yaara yam maŋa nɩ, nɩ Zezi tɩtɩ dɩ na yaarɩ sɩ o pa dɩbam na vrɩm te tɩn.
Pɩyɛɛrɩ dɛ yigǝ o guli-ba ba na jɩgɩ tɩɩna yalʋ Wɛ tee nɩ Zezi na tɩgɩ yɩ o joori o bi tɩn ŋwaanɩ.
O kaanɩ-ba sɩ ba taa ŋwɩ dɩ wʋ-poŋo nɩ Zezi nɔɔna na maŋɩ sɩ ba taa ŋwɩ te tɩn. Ba maŋɩ sɩ ba lwǝni Zezi na kɩ te o yaara yam wʋnɩ tɩn. O kwe-ba kwiǝ dwi tǝri tǝri sɩ ba lwarɩ ba na wʋ́ kɩ te woŋo maama wʋnɩ, sɩ balʋ na yǝri Zezi tɩn na ba kǝm-laarʋ tɩm sɩ ba dɩ ba ba zuli Wɛ.