Mna ta gwaɗa Lazglafta
4
1 Ka yu ta mnaghata ta kəma Lazglafta nda ya ta kəma *Yesu *Kristi,
ya ta dzaʼa da tsa guma ta ghəŋa gwal nda hafu nda ya ta ghəŋa gwal nda rwa.
Ka yu ta mnaghata nda ma hga sagha ya dzaʼa sagha Kristi,
nda ya nda ma ga mghama ni ná,
2 mna ta gwaɗa Lazglafta,
ka gɗata ka ta vrafta tida,
dər ma fitika ni tsi,
dər ma fitika ni a tsi wu.
Zlaha ta gwal ta maga ghwaɗaka skwi,
dva ta həŋ,
vla ta mbraku ŋa taŋ,
hbatá ŋuɗuf ka tagha ka ta skwi ŋa taŋ,
3 kabga mamu sana fitik dzaʼa sagha ŋa kwala mnduha kul snəgəltá vərɗaka tagha skwi.
Ŋa laghwa taŋ sna skwi ya ta kum ghəŋ taŋ.
Ŋa laghwa taŋ da mbala ghwaɗaka gwal tagha skwi ŋa taghanatá skwi ya ta kum həŋ.
4 Dzaʼa nuʼaf nuʼa həŋ ta sləməŋa taŋ yaha həŋ snaŋtá kahwathwata,
ka mbəɗaghutá vgha da sna tsakalawi.
5 Ama kagha ya,
gɗava gɗa gha ma ghunislaka gha,
suʼa ta ghuya ɗaŋwa,
magatá kahwathwata slna mndu ta mna *Lfiɗa Gwaɗa.
Kɗanafkɗa ta slna nzakwa gha ka mnda maganatá slna ta Lazglafta.
6 Iʼi,
nda maga fitika ɗa,
taghwaŋ a yu ka mtaku wa.
Ndusak ndusa fitika sliʼa ɗa.
7 Vula vula yu ta vərɗaka vulu,
kɗanakkɗa yu ta vərɗaka hwaya ɗa,
ŋana ŋa yu ta zlghay nda ŋuɗufa ɗa.
8 Ndanana,
ta kzlaykzlay nisəla vəl zaktá ɗa ta ghwa ta iʼi.
Tsa nisəla ya ná,
zewzewa mbaku ya dzaʼa vlihata mnda tsa guma tɗukwa,
baɗu fitika tsa guma.
Ŋa ɗa nda ghəŋa ɗa yeya a wu,
nduk nda inda gwal ta kzla ɗvaftá sagha ni.
Skwi nghadap Pwal ka ghəŋa ni
9 Ka ŋavata ka ka sabi slaɗighata misimmisim.
10 Wana zliɗiva zla na Demaskaª,
kabga laghu la ɗvutá skwa ghəŋa haɗik,
ka sliʼaftá tsi ka laghu da luwa Tesalunik.
Laghu la na Kreseŋ ta haɗika Galat,
ta laghu Titus ta haɗika Dalmatiya guli.
11 Lukwa turtukwa ni yeya tavatá iʼi.
Ta sab ka ya,
ka klaganapta ka nda Markus,
dzaʼa katay ta iʼi katakata ma slnaª ɗa.
12 Ghunaghaghuna yu ta Tisik da luwa Afisusª.
13 Ta sab ka ya,
ka laba ka nda ma luwa Truwas,
ka klagiɗipta ka ta lguta ghəzla mtasla ɗa ga Karpus ya.
Ka klaganapta ka nda defteriha,
katkatatani,
tsa ka hutaª ya.
14 Dagala ghwaɗaka skwi magiha Alegzandra ta nzakway ka ɗəgha.
Mgham Lazglafta dzaʼa planamtá skwi magaª tsi.
15 Kagha guli,
ɗasuwa ká ka nda tsi,
kabga nza nza ghərŋa ghərŋa nda skwi ya ta mnə mu.
16 Baɗu taŋtaŋa lagha ɗa da guma da mbəɗa gwaɗa ta ghəŋa ɗa ná,
haɗ sana mndu ta katihata wu,
zliɗiva zla həŋ demdem.
Ma tsunus Lazglafta ta guma ni ta həŋ.
17 Tsaw nza nza Mgham Lazglafta kawadaga nda iʼi,
ka vlihatá tsi ta mbraku,
kəl yu ka kɗanaktá mna gwaɗa ni,
ka snaŋtá inda gwal kul nzakway ka la *Yahuda.
Katigipkata Lazglafta guli ma wa rveri.
18 Nda sna yu guli ná,
dzaʼa katigipkata Lazglafta ma inda ghwaɗaka skwi.
Dzaʼa katay ta iʼi ŋa lafa ɗa ta luwa da vla ga mghama ni.
Ŋa ni glaku ŋa kɗekedzeŋ.
*Amin!
Ga zgu
19 Ka ganaghata ka ta zgu ta i Priskila,
nda Akilas,
nda gwal ga Unesifuraª tani guli.
20 Ta ma luwa Kwareŋt na Irasta.
Ma luwa Miletus zlanata yu ta Trufim kul ɗughwanakuª.
21 Ka ŋavata ka,
ka sabi misimmisim ma kɗaku fitika mazlam.
Ta ga zgu i Yubulus,
nda Pudeŋsa nda Linusa,
nda Klawdiya,
nda inda zwana ma,
ŋa gha.
22 Ka nza Mgham Lazglafta nda kagha.
Ka nza zɗakatahuɗa Lazglafta guli nda kaghuni demdem!