Kea kma ɛɛ' 'cɛ 'ɛ ‑tɩ'
149
Ao 'bɛɛ‑ Tʋ "bo 'a 'nynɩ "i.Ao ble 'dʋ dee, ao 'je Tʋ "bo 'da.
Ao ble 'dʋ ‑ɩa ‑bɛɛa' ɛɛ' 'nynɩ "i,
'de ɛɛ' 'cɛ "klu.
2 Ao nʋ 'mʋa‑, Israɛ: ɛmɛ ‑nʋ' aopʋ‑:
Selisalɛmʋ 'a "nynuu nʋʋ ʋʋa 'beɔ 'mʋa‑ klaa' i.
3 Ʋʋ dee ʋʋ 'je ɛɛ' 'nynɩ "i 'bɛɛ‑,
ʋʋ bla ‑si' ‑plʋ ke diɛɛn"‑, ʋʋ 'jeɛ 'nynɩ ‑sa.
4 Dɛ ‑nʋɛ Tʋ "bo a 'jeɛ ɛɛ' 'cɛ "dia,
nyʋ ‑ʋʋa jaa ʋʋa' ‑cɛ" ja, ɛɛ 'pʋʋ ʋʋpʋ‑ 'mɛ.
5 Ɛɛ' 'cɛ ‑kpʋn' a ɛɛ' wlu i, ʋʋ na 'mʋa‑ 'ʋn,
ʋʋa' 'mʋa‑ cnuɛn" 'kpa 'de ʋʋa' 'pɛn na',
6 Kea 'a 'nynɩ "i 'bɛɛ 'a "ti 'de ʋʋpʋ‑ 'wɔn,
‑wɛe ‑placnɛ ‑ɛɛ "jri nɩa 'sɔɔn,
'je ʋʋpʋ‑ 'kwa nɩ‑,
7 ‑wɛe ʋʋ 'je 'cɛn ‑sa 'de 'blʋa 'di nyʋ "kpei,
'de ʋʋ 'je nyiɔpʋ‑ kplɩn 'kwai ‑sa,
8 ‑wɛe ʋʋ 'je ʋʋa' 'beɔ ‑wi" ‑gbae cɩɛ' "dbi 'di po,
'de ʋʋ 'je ʋʋa' nyʋ klae" nɩɩ ‑gbii bʋ' po,
9 ‑wɛe dɛ ‑crɩɩa' 'de ʋʋpʋ‑ 'a ‑tɩ' 'ʋn 'je nʋʋɛ‑.
Dɛwɔnɩa' mɛ ‑nɩ 'de ɛɛ' 'cɛ "kpei due due'.
Ao ‑sa Tʋ "bo 'nynɩ.