Nyɔ ʋʋa ‑tua" 'kle Tʋ "bo ‑nɩ ɔɔ' sro' 'wlaa na'
142
Dafi 'a tɔ' "kpei naa ‑tɩ. Dafi 'a baewlu ‑ta ɔ nɩa 'de crʋ 'a ‑kwle wɔn 'di ɛ.
2 'Ma kpa wlu ''jɛi 'ma jea Tʋ "bo 'da.
'Ma kpa wlu 'jɛi" 'ma jea Tʋ "bo bae‑.
3 'Ma waa 'ma ‑klʋ kpʋn ‑tɩ i 'de ɛ "juɛi,
ɛmɛ 'ma po 'ma 'kʋan",
ɛmɛ 'ma 'tmʋʋ 'ma 'kle ‑tɩ.
4 ‑Bo ‑suu "kae "jrii 'de 'mɔ 'ʋn ɛ, ‑mɔ ‑juuɛ.
‑Jeblʋ 'ma kpa ʋʋ ‑gbɛ' pɩɩ "i.
5 Ɛ ‑gbʋn 'e diian o:
Nyɔ ‑jea 'ʋn juuo ‑mɔ se nɩ,
'ɩn se sro' wlaa' ‑ta 'ble,
nyɔ "o nyɔ jrɔ' 'ɔ ‑tu" 'ma ‑sɔɔn.
6 'Oo Tʋ "bo, ɛmɛ 'ma wee o.
'Ɩn 'na: ɛ mɛ ‑nɩ 'ma sro' 'ma 'wlaa na',
ɛmɛ ‑nɩ 'ma 'dɔe 'de 'kmʋnɩʋn "klu.
7 Ɛ 'wɔn 'ma "wɔwlu, dɛ ‑nʋɛ 'ɩn nɩɛ wɛenyɔ.
Ɛ seie 'ʋn 'de nyʋ ʋʋa nʋa 'mii 'kwa.
Dɛ ‑nʋɛ ʋʋ kmai" ʋʋ je 'ʋn ‑sii.
8 Ɛ ‑sa 'ʋn ‑kaso 'di, wɛe 'ɩn 'jeɛ 'nynɩ ‑sa
‑Bo ɛ nʋ 'ʋn 'dɔe ‑tuu" "jrii ɛ,
"isrɛʋn a muɛ 'ʋn 'dei ‑gbaea'.