'De 'kle a ‑kweea'‑
130
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' muɛ.
'Ɩn nɩɛ 'e mɛ bie 'di 'ma jea ‑ʋn ‑too" "i po,
'oo Tʋ "bo.
2 Tʋ "bo, ɛ sie 'ma wlu doun" o,
ɛ po 'ma baewlu doun" o.
3 'Oo Tʋ "bo, ‑bo ɛɛ sea ‑aa dɩsaɩn 'a ‑tɩ' 'di po 'deɛ,
Tʋ "bo, ‑mɛ nyɔ ‑ɔ ‑je 'kmʋ nɩ ɛ?
4 'Kaa ɛmɛ ɛɛ ‑kwɔ' nyɔ 'ɔ dɛsaʋn,
‑wɛe nyʋ 'jeɛ plee‑.
5 'Mɔ ɛ, Tʋ "bo mɛ 'ma ‑te ‑kwlɩ",
kɩɩn, ɛmɛ 'ɩn ‑te' ‑kwlɩ",
'de 'ma 'kmʋnɩa' ‑wee'‑ 'ʋn,
'ɩn ‑teɛ' ɛɛ' wlu ‑kwlɩ".
6 'Ma "dɛɛ 'ma 'Blei "jriɛ i,
kɩɩn, ɛ je nyɔ ‑ɔɔ fua ‑kwlɔ i 'a ‑sɔn 'ɔ fua' ‑sii.
7 'Oo Israɛ, ‑ɩn ‑te' Tʋ "bo ‑kwlɩ',
'de ɛ 'ʋn mɔ nyɔ 'je nyʋ 'a ‑tɩ' kma: ɛmɛ ‑ɛɛ ‑seie nyʋ ka ‑cɔɔn'‑ ka‑,
8 ‑wɛe ɛɛ mu Israɛ ‑seie 'a 'de ʋʋa' dɩsaɩn ‑wee'‑ "klein 'a ‑tɩ' 'ʋn.