Nyɔ ‑ɔ 'kwa dɩ ‑wee'‑ nɩ ɛ‑
127
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' muɛ. 'Dʋ Salomɔ blea.
‑Bo Tʋ "bo se ‑gbu" poɛ, nyʋ ‑ʋʋa poɛ,
ʋʋa nʋɛ foo" 'ʋn dbo. ‑Bo Tʋ "bo se ‑kwlɔ i fuo,
nyɔ ‑ɔɔ fuɛ i ɛ, ɔɔ ‑teɛ "jriɛ "i foo" 'ʋn.
2 Kɩɩn, aoa kpʋn ɛ ‑sɔn "mlai,
aoa jea 'ʋn sɔn foo" 'ʋn,
nɔ" ɔ ‑si' "maʋ ‑wɛe aoa 'pɛn i,
aoa 'jeɛ 'kle "jɛi,
aoa diɛ 'kle 'je diiɛ.
Ɛ "jiiɛ ɛɛ' ‑tɩ kmanyʋ diiɛ wɔn,
‑bo ʋʋ nɩ "nyɩɔ mɔ 'deɛ.
3 "Nynuu‑ ‑nɩ 'kɛn Tʋ "bo "nyɩa nyʋ ɛ,
kɩɩn, "nynuu‑ nɩɛ ‑paan' ‑o.
4 Ka 'sɩn nɩa 'de ‑cɛi" "srɛi 'kwa 'a,
'kamɔ ‑ta nyʋ nɩa ɔɔ' ‑cɛ" 'ʋn,
"nynuu‑ ɔɔ 'wlʋa 'kamɔ ʋʋ nɩ‑.
5 'Mʋa‑ nʋ nyɔ ‑jiia" ɔɔ 'sɩn bɔ' ɛ,
‑bo ɔ ke ɔɔ' tʋnyʋ nɩ 'e bae' ɛ,
‑tɩn' se ɔ "i 'dbaa "i.