Tʋ "bo ke ɛɛ' 'cɛ ‑na
124
'Dʋ nyʋ a blea ‑bo nyɔ ɔ sea Tʋ "bo ‑gbɛɛ'‑ na' mu ɛ. Dafi 'a 'dʋ.
Israɛ wlu ka:
‑bo Tʋ "bo ke ‑a se na 'de ɛ,
kɩɩn Israɛ ‑ɩn ‑da kan'.
2 ‑Ta nyiɔpʋ‑ sʋʋan 'ʋn 'de 'a ‑pee,
‑bo ɛ se Tʋ "bo nɩɛ, nyɔ ‑ɔ ‑je ‑a o 'wlʋɛ,
3 ‑ta ʋʋa' 'cɛn 'ɛ nɛ ‑gbɔa sʋan 'ʋn 'de ‑a ‑pee ɛ,
ʋʋ muɛ ‑a ‑wee'‑ 'kmʋ ‑saa' 'de‑.
4 ‑Mɛ "ni kpa ‑aʋn ‑ɛ 'de‑;
ɛɛ' ‑gboo je ‑a "kpei 'plee‑;
5 ‑a ‑je 'e "ni 'a 'plɩ ‑sɔn sie 'de‑.
6 "Diwan kpʋn Tʋ "bo, ɛmɛ ‑se' ‑a "itai,
‑wɛe ʋʋ se ‑a 'wɛin di ɛ.
7 ‑Aa ‑suu wan ʋʋpʋ‑ 'kwai,
ka nawɛ ɛ wan 'de pɩɩjɔ "wɛin i ɛ:
'sai 'a "dbu cɛan 'sʋ ‑a wan 'de ɛ 'di i.
8 ‑Aa pʋʋa' 'wlʋɛ 'de Tʋ "bo,
‑ɛ nʋa 'blʋa ke jaʋn 'kwa.