Kea 'a 'saa 'ʋn fua'
123
'Dʋ nyʋ a blea ‑bo nyɔ ɔ sea 'de Tʋ "bo 'a ‑gbɛɛ'‑ na' mu ɛ.
'Ma ‑gbʋɛn 'de ‑ɩn o fɔ o,
‑mɔ ‑nɩa Tʋ "bo 'de jaʋn di' ɛ.
2 Kɩɩn, ka nyʋ "juɛi nʋʋ a "siia ʋʋa' blei "jriɛ ‑pʋn" ɛ,
ka dbonʋnynɔkpao' "sii ʋʋa' 'bleinynɔkpao' "jriɛ ‑pʋn" ɛ,
'kamɔ ‑aa "jri "biie 'de Tʋ "bo ‑nɩa ‑aa Kea o,
'de 'saaʋn ɛ 'jea ‑a "jrii nʋa' 'a ‑tɩ' 'ʋn.
3 'Oo Tʋ "bo, ɛ nʋ ‑aʋn 'saaʋn "jrii,
ɛ 'je ‑aa wɛe dɛ ‑nʋɛ,
dɩsaɩn ʋʋ nʋa ‑a "jrii "jii ɛ ‑a wɔn.
4 Kɩɩn, ‑crei" ‑aa ‑wɔan 'de ‑flɛɛnyʋ ‑nʋ 'wɔn o,
‑cɛi" 'bɛʋn ‑nʋ ʋʋa ‑flɛɛan ‑a ‑ʋn o,
‑mɩ ‑wee'‑ "jiiɛ ‑a wɔn.