Nyɔ ‑ɔɔ mua 'doa' 'a baewlu‑
121
'Dʋ nyʋ a blea ‑bo nyɔ ɔ a sea 'de Tʋ "bo 'a ‑gbɛɛ'‑ na mu ɛ.
'Ɩn kpa "jri 'jɛi" 'de crʋ "kpei fɔ o:
‑ta 'ma kwa wɛi ‑tei 'je 'wlʋ ɛ‑?
2 'Ma kwa wɛi ‑te' a 'wlʋɛ 'de Tʋ "bo o,
‑ɛ nʋa 'blʋa ke jaʋn ke ɛ.
3 Ɛ se 'wɔn i ‑wɛe ‑ma bʋ se ‑gbla" i,
nyɔ ‑ɔɔ fua ‑mii' ɛ ɔ se "nyɩɔ 'kpa i.
4 "Ɩɩn‑ ɔɔ' 'mʋ "ju ‑a fua Israɛ i ɛ,
ɔɔ' po "jriɛ ku "kpei.
5 Tʋ "bo mɛ ‑ɛɛ fuo ‑mii',
Tʋ "bo nɩɛ 'de ‑ʋn ‑pʋn",
ka ‑fli a ‑cria" nyʋ "kpei ɛ.
6 ‑Wɛe 'de ‑sɔn 'di ɛ,
'jrʋ se ‑ʋn "jru bla i,
"maʋ' ‑ke ɛ 'cʋ se ‑mii' kpa i.
7 Kɩɩn, Tʋ "bo a muɛ ‑mii' fua',
‑wɛe dɛsaʋn jrɛ' ka se ‑ʋn "jrii nʋʋ i.
Ɛɛ muɛ ‑ma ‑suu i fua';
8 Tʋ "bo a muɛ ‑ma mua' ke,
‑ma nynia' i fua', dɛ ‑tba' ‑ta ‑sɩan,
'de ‑ɛ mua nya mamaʋ ɛ.