Nyɔ ‑nɩa 'e 'kle 'di 'a baewlu‑
120
'Dʋ nyʋ a blea' ‑bo nyʋ a sea Kea ‑gbɛɛa' mu 'de ɛ o ‑gbu" ‑sɔn ɛ.
'De 'ma 'kle 'di ɛ, Tʋ "bo mɛ 'ɩn 'da,
‑wɛe ɛ 'wɔɔn 'ʋn.
2 'Oo Tʋ "bo, ɛ ‑seie 'ʋn 'de sɩ 'tmʋ ʋn 'wɔn,
'de sɩ 'tmʋ mɩɩɔ wɛin "i.
3 Mɩɩɔ ‑ɛɛ ‑tmʋa sɩ ɛ,
dɛ Tʋ "bo 'bɛɛ ɛ 'je ‑mɛ "nyɩ ‑ɛ?
4 Ɛɛ muɛ ‑ʋn 'sɩn ‑nɩa 'mɩmɩ pooa',
ka tu ‑ɛɛ nɛ 'ɛ 'mʋʋa nɩa.
5 "Nmia ‑tɩ 'ma 'jea
dɛ ‑nʋɛ ɛmɛ ‑nɩ 'ɩn nɩɛ 'dʋɩ 'de Mesɛkɩ,
ke Kɩdaa ‑kɔʋn ‑ʋʋa 'di nyniawɔn "klu.
6 Nyʋ ‑ʋʋ ‑nyɩa pɛe 'a blu ‑tɩ 'ʋn ɛ,
'ɩn ‑kwle 'de ʋʋpʋ‑ "klu 'mɛ.
7 'Ɩn nɩɛ pɛe 'a blua' "i,
'kaa ‑bo 'ɩn po wlu i 'sʋɛ,
ʋa 'tmʋɛ tʋ ‑tɩ.