'Dʋ ‑ɛɛ poa nyʋ Israɛ 'a Esipʋ 'wlʋa 'a ‑tɩ' ‑kwlʋ o ɛ
114
‑Ta Israɛ 'wlʋʋa 'e Esipʋ ɛ,‑ta Sakɔbʋ tɛɛan wlu 'srʋ po nyʋ o ɛ.
2 Suida 'kpa Kea 'a ‑gbu",
Israɛ 'kpa ɛɛ' 'bleenyʋ.
3 Tɔniɛ 'jea ‑mɛ 'sʋ ɛ ple',
Sudɛn ‑gbuu cɛɛn "i, ɛ "jii ɛɛ muɛ de.
4 Crɩ a ‑pliin' ka 'blae ‑gblɔ ɔ ‑plin" a,
crʋ "ko a ‑plin" 'in ka 'blae nynuu a ‑plin" a "jɛi ɛ.
5 Tɔniɛ, dɛ ‑nʋ' ɛmɛ 'de ɛɛ ple ɛ‑?
Sudɛn ‑gbuu, 'de ɛmɛ mu de ‑ɛ?
6 'De dɛ ɩmɩ 'jeɛ‑ crɩ,
‑wɛe ɩa ‑plin" ka 'blae ‑gblɔ ɔ ‑plin" a?
'De ɩmɩ 'e, crɩ "ko,
‑wɛe ɩ ‑kɔ' nɔ" dɩ 'a "nynuu‑ ‑a ‑plin" i "jɛi woi ‑ɛ?
7 'blʋa, ɛmɛ crɛ 'de nyɔ 'blei "juɛi,
'de Sakɔbʋ 'a Kea "juɛi,
8 Ɛɛ nʋɛ' 'sʋ 'sooa a ‑srɛɛn' "ni wlo',
"sou crʋ a 'kpa "ni 'a "jru ɛ.