Kea sɛ' poa'
100
Kea sɛ' podʋ . Ao nyʋ "klein ‑nɩa 'e 'kmʋ "kpei ɛ.
'blʋa ‑wee'‑ "klein, ao kpa wlu "jɛi ao 'je Nyɔsoa 'a 'nynɩ "i 'bɛɛ‑!
2 Ao ‑gbɛɛ'‑ Nyɔsoa "juɛi 'de 'mʋa‑ 'ʋn,
ao ke 'mʋa‑ dʋ mu 'de ɛ "juɛi.
3 Ka Nyɔsoa 'a 'sʋ nɩa Kea a,
Ao juuɛ "i, ɛmɛ ‑nʋ' ‑aʋn,
‑a ‑nɩ ɛɛ' 'cɛ; ɛɛ ‑tuɛ" ‑aa ‑tɩ',
ka 'blae 'de i ‑tei a ‑tua" ɔɔ' 'blae 'a ‑tɩ' ɛ.
4 Ao pa 'e Nyɔsoa 'a ‑gbu" klaa" 'di,
‑wɛe ao 'jeɛ sɛ'‑ po, 'de ao 'jeɛ "juɛi ‑gbɛɛ'.
Ao mu ɛɛ' ‑gbu" klaa" 'a ‑gbɛin" jriɛ "kpei,
‑wɛe ao 'je ɛɛ' 'nynɩ "i 'bɛɛ‑, 'de ao 'jeɛ sɛ'‑ po.
5 Dɛ ‑nʋɛ, Nyɔsoa nmɔ 'diwɔn,
ɛɛ' nyiiɔɔn' ‑tɩ' kmaa' se "ti ‑ta 'ble.
‑Wɛe ɛɛ' ‑maa' 'wlʋ wu "kpei nɩ' 'de nɔ" "oo nɔ" ‑wee'‑ 'di.