Tʋ "bo nɩɛ 'beɔ 'de nɔ" 'oo nɔ" ‑wee'‑ 'di
93
Tʋ "bo nɩɛ 'beɔ,ɛɛ' 'beɔdɛ 'ɛ ‑ciian"‑ nɩɛ ɛ "kpei,
kɩɩn, ɛ nɩɛ "kpei ‑cɛɛn'‑.
Ɛɛ' "ikmaa' nɩɛ wlʋ ɛ bla 'di,
ɛmɛ ‑tɩ 'blʋa ku 'e 'dei,
ɛ seɛ 'bɛɛ‑ ɛ 'je i ‑suua'‑.
2 Ɛɛ ‑teea', Kea 'a Tʋ"bokpatɛ‑ kuɛ 'dei,
kɩɩn, ‑ɩn ‑nɩ' sese.
3 Tʋ "bo, "ni a muɛ "jɛi, "ni a kpa wlu "jɛi,
"ni a kpa ‑gbu" wlu "jɛi.
4 'De ‑mɛ "ni klae" 'a ‑gbu" wlu o,
'tɔniɛ 'ɛ ‑gboo klae" klae" o,
Tʋ "bo, ‑ma "ikmaa' nɩɛ 'e ɩ ‑wee'‑ "jru kpɔ'.
5 Dɩ ‑ɩa wlu ‑ɩn cɛan ‑ti" ɛ,
ɩ nɩɛ ‑kwlɩ" ‑te' ka‑.
I ‑kwea' mɛ ‑nɩ ‑ma ‑gbu" 'a ‑pɛɛdɛ‑,
'de nɔ" 'oo nɔ" ‑wee'‑ 'di, 'oo Tʋ "bo.