Selisalɛmʋ nɩɛ nyʋ ‑wee'‑ 'a "bli ‑kwlɔ
87
Kore 'a "nynuu 'a 'dʋ.
Nyʋ 'blei ‑tu" Selisalɛmʋ ‑kwlɔ 'mɛ
'bo crɩ ‑ɩ ‑kweai "kpei.
2 Tʋ "bo kma Selisalɛmʋ ‑kwlɔ 'ɔ ‑tɩ'
de Sakɔbʋ 'a ‑kwlɔ ‑wee'‑ "klu.
3 'Oo kea 'a ‑kwlɔ,
dɩ nyʋ 'a tmʋa 'de ‑ma ‑tɩ' 'ʋn ɩa ‑sa ‑ʋn 'nynɩ: ‑Te' ‑kwlʋ.
4 'De nyʋ "klein ‑juua 'ʋn "klu,
'ma muɛ Esipʋnyʋ ke Babilɔnɩ e,
Filitɛn o, Tii ke Etiopinyʋ ke‑,
'ɩn poɛ ʋʋa 'nynɩ 'de 'sbɛ 'di
ka "ju pliiɛ ‑wlʋa 'de Selisalɛmʋ nɩa.
5 'De Selisalɛmʋ, nyʋ ʋa muɛ wlua' ka ʋʋ 'na:
nyiɔ 'oo nyiɔ ‑ɔ ‑wlʋa 'bo ɛɛ ‑kwlɔ ‑tu 'di,
Kea ‑nɩa 'e dɩ ‑wee'‑ "klein "jrukpɔ' mɛ ‑nʋɛ ‑wɛe ɛ nɩ ‑sisi'.
6 ‑Bo Tʋ "bo ‑sro' nyʋ,
‑bo ɛ 'crɩ ʋʋa' 'nynɩ due due' ɛ, ɛ 'na:
‑jɔ ‑nɔ 'wlʋʋ 'bo Selisalɛmʋ ‑Te' ‑kwlʋ.
7 ‑Wɛe ʋʋ 'je ble ʋʋ 'je dee‑ ʋʋ 'je wlu ka.
'Ma "ji ‑wee'‑ 'wlʋɛ 'de ‑mɔ 'ʋn.