Kea ‑ɩn ‑bo wɔn "muɛn
83
Asafʋ 'a 'dʋ.
2 'Oo kea ‑ɩn ‑bo wɔn "muɛ,
‑ɩn ‑bo ‑snii' ‑teɛ ‑ɩn ‑bo 'e ‑gbʋn ɛ.
3 Ɩn ‑gbʋn ‑a ‑plin" ɛ "jɛi,
‑ma tʋnyʋ ‑a ‑siia' 'ʋn ʋʋ ka;
nyʋ ‑a ‑flɛɛan ‑ʋn ʋʋ kpa "jru "jɛi.
4 Ʋʋa pooɛ ‑tɩ' 'de ‑ma 'cɛɛ ‑tɩ' 'ʋn,
ʋʋa ‑tuɛ" sɩɩan" 'de nyʋ ‑ma fua i 'a ‑tɩ' 'ʋn.
5 Ʋʋ 'na: ‑a ‑dba ʋʋ ‑wee'‑ ‑wɛe ʋʋa' 'blʋa 'je i sɔn‑,
‑bo ɛ nɩ kan' ‑mɛ nyɔ ɔ muɛ Israɛ 'a 'nynɩ o "maea'
'de nɔ" 'oo nɔ" ‑wee'‑ 'di.
6 Ʋʋ pooɛ ‑tɩ', ʋʋa' pɛe nɩɛ due',
‑wɛe ʋʋ 'na ‑a mu ‑a ‑je ɔ i ‑sa.
7 Edɔmʋ 'a ''nynuu‑ o, Ismaɛ ‑kɔʋn o,
Akaa 'a ''nynuu‑ ke Moabʋ ‑kɔʋn ke‑.
8 Kebalɩ, Amɔ' ke Amalɛkɩ, Filitɛn ke, Tii nyʋ ke,
9 Asiriɛnyʋ‑ ‑wi" ‑wee'‑ 'kpa ʋʋpʋ‑ "kpei
‑wɛe ʋʋ 'je Lɔtɩ 'a "nynuu kwawɛi ‑te'. ‑Te' ‑kwlʋ.
10 Dɛ ‑ɩn nʋa Madianyʋ o, Sisra o,
Yabɛn "jrii 'de "ni ‑nɩa 'de Kisɔn ɛ
‑ɩn nʋɛ ʋʋpʋ‑ "jrii kan' ‑ke.
11 ‑Wɛe ‑ɩn ‑sa ʋʋpʋ‑ i 'de Ɛdɔɔ‑
‑wɛe ʋʋ 'kpa 'blʋa 'a 'cna a.
12 ‑Ɩn ‑sa ʋʋpʋ‑ i,
ka ‑ɩn nʋa Orɛbʋ ke Sɛbʋ 'a 'blʋajeʋn ɛ,a
‑ɩn ‑sa ʋʋp‑ i ka ‑ɩn nʋa Tʋ "bo 'a "nynuu
‑ʋʋ ‑nɩa 'de Seba ke Samʋna nyʋ ke‑.
13 Nyʋ ‑ʋʋ ‑na: ‑a ‑duo" kea 'a ‑kwlɔ 'ʋn ɛ,
14 'ma Kea, ‑ɩn ‑bi" e ʋʋpʋ‑ "jrii ka pʋʋɔ' ɔ kpa ‑plee" ɛ.
15 Ka nɛ ɛ dia 'kwla, ‑wɛe ɛɛ' 'plɩ a kpʋn a crʋ ɛ.
16 ‑Ɩn nʋ pʋʋɔ' ɛ 'je ʋʋpʋ‑ i nʋ,
‑wɛe ‑piie 'je ʋʋpʋ‑ dɛ 'dii waa‑.
17 ‑Ɩn ‑dbaa' ʋʋpʋ‑ ‑tɩn' "i
‑wɛe ‑bo ɛ nɩ kan' 'de ʋʋ 'je ‑mɔ Kea o "biie‑ 'oo Tʋ "bo.
18 ‑Tɩn' 'je ʋʋpʋ‑ "i 'dbaa'‑
‑wɛe tai' 'je ʋʋpʋ‑ "maa‑ 'de nɔ" 'oo nɔ" ‑wee'‑ 'di,
'de "ku 'je ʋʋ "kpei 'wlʋ ‑wɛe ʋʋ 'je i sɔn‑.
19 ‑Wɛe ʋʋ 'jeɛ juuo ka ‑ɩn ‑nɩa,
Tʋ "bo,
Kea ‑nɩa 'e dɩ ‑wee'‑ "klein "jrukpɔ' ɔ.