Kea kpa tʋ 'a "jru
76
Asafʋ 'a 'dʋ ‑wlʋa 'de 'dʋblei klaa" 'a 'dʋsbɛ 'di ɛ, ‑si' ‑plʋ mɛ nyɔ ɔ bla.
2 Kea to ɛɛ' ‑cɛ" 'mɛ 'de Suida blʋa "kpei,
ɛɛ' 'nynɩ "bɛi 'de Israɛ ‑blʋa 'di.
3 Ɛɛ' ‑te na' nɩɛ 'e Salɛmʋ ‑wɛe ɛ koo 'e Selisalɛmʋ.
4 'Mʋʋa‑ 'bo ɛ ‑craa tʋ ‑fɔn' ‑dɩ ‑wee'‑ i,
'sɩn o, "i kaandɩ o, kpla' po ‑cnɛ ke‑. ‑Te' ‑kwlʋ.
5 ‑Mɔ ‑kmai", ‑ma fan', ɛ je' crʋɩ ‑ɩa sɔnai i ‑sii.
6 Ʋʋ ‑sa tʋ ‑fɔn' ʋn klae" ‑wee'‑ dɩ 'kwai,
ʋʋ ‑wee'‑ "klein 'pɛɛn 'blʋʋɔ i ʋʋa 'kpa ʋʋa' de 'bɔɔ nyɩɔn",
tʋ ‑fɔʋn klae" ‑nʋ ʋʋa' sʋn se 'kpɩ 'ble 'bode.
7 Sakɔbʋ 'a Kea, ‑ɩn ‑plaan" ʋʋpʋ‑ "jru i 'sʋ,
tʋ ‑fɔn ʋn o, ʋʋa' sooe"‑ ‑wee'‑ 'wla 'blae.
8 ‑Mɔ ‑ɔ ‑kmai" ɛ, ‑ɔ ‑bɛɛ' ‑ma "juɛi nynaa' 'de ‑ma 'cɛn jri 'di ‑ɛ?
9 ‑Ɩn ‑nɩɛ 'e jaʋn 'di ‑ɩn je 'blʋa 'pee kpʋʋn‑,
faʋn 'kpa 'blʋa 'ʋn 'sʋ ɛ ‑teɛ ‑snii'.
10 Kea sɔn 'ʋn 'ɛ ɛ 'je nyɔ 'ɔ 'pee 'je,
‑wɛe nyʋ ‑ʋʋa jaa ʋʋa' ‑cɛ" ja ʋʋ 'je 'pʋ. ‑Te' ‑kwlʋ.
11 Nyiɔɔ' 'cɛn 'kpaa' a muɛ ‑ma 'nynɩ "i bɛɛa',
‑wɛe ɔɔ' 'cɛn 'wlaa ke ‑mɔ Kea 'je "i "sii‑.
12 Ao cɛn wlu ‑tie" 'de Tʋ "bo ‑ɛ ‑nɩa aoa' Kea "juɛi,
'de ao nʋɩ. Ao nyʋ "klein ‑gbaea' Kea 'de i
ao ja aoa' ‑paan' 'de "ikma Kea "juɛi.
13 Ɛmɛ ‑ɛɛ jaa Tʋ "bo 'a "nynuu 'a ‑cɛi" 'bɛɛa' ja,
‑wɛe ɛ 'ble "ikmaa' 'de 'blʋajeʋn "kpei.