Kea ‑ɩn po 'ʋn sʋn o
70
Dafi 'a 'dʋ ‑wlʋa 'de 'dʋ ‑jeopoi 'a 'dʋsbɛ 'di ɛ, ɔ bleɛ' ‑wɛe dɩ Kea nʋa ɔ "jrii ɔ 'je ɩa' ‑tɩ' ‑kwlʋ o po.
2 Tʋ "bo, ‑ɩn ‑seie 'ʋn
‑ɩn ji ‑too"‑, ‑ɩn ‑je 'ʋn kwawɛi ‑te'.
3 Nyʋ ‑nɩɛ "i ‑ʋʋ ‑jea 'ʋn 'kmʋ ‑sa a,
‑tɩn' 'dbaa ʋʋpʋ‑ "i, tai" "maa ʋʋpʋ‑,
nyʋ ‑bo ‑tɩ' nʋ 'ʋn "jrii ‑ʋʋa nʋa 'mʋa‑
ku 'wlʋ ʋʋpʋ‑ "kpei, ʋʋ naade.
4 Nyʋ "klein ‑ʋʋa wlaa 'ʋn ‑ʋʋa nʋa ‑a" ‑a" 'ee ɛ,
ʋʋ ke ‑tɩn' juua "biie i ɛ 'je demu.
5 'Kaa nyʋ "klein ‑a ‑pɔan ‑mii' nʋ 'mʋa‑,
nyʋ "klein ‑ke ‑ɩn ‑sii" 'a "i ɛ,
ʋʋ nʋ 'mua‑ ɛ 'je "jri "kpae po.
‑Wɛe ʋʋ wlu ka Kea ‑ma 'nynɩ 'bo "i 'bɛɛ ‑tɩ o 'bɔ ɛ.
6 'Oo Kea 'de 'mɔ ɛ, 'ɩn nɩɛ wɛenyɔ ke nɩa" nyɔ ‑o;
‑mɔ ‑nɩ 'ma 'dei fuo i ke, 'ma kwawɛi ‑te' i ke‑,
'ma ‑seie ke. Tʋ "bo, ‑ɩn ‑too"‑.